Overblog Suivre ce blog
Editer l'article Administration Créer mon blog
17 octobre 2013 4 17 /10 /octobre /2013 09:58

A ieu los caps pelats !

La setmana passada, dos escandals nos venguèron bolegar e los mèdia se’n faguèron lo resson de segur.

Non, es pas estada la mòrt de centenats de candidats, en cèrca d’una vida melhora, a la pòrta d’una Euròpa qu’avián somiada tèrra d’asil. Non, es pas estat lo shutdown en cò de nòstres amics estatsunidencs amb d’unes republicans qu’an pas encara engolit l’eleccion d’un president de sang mesclat. Aqueles eveniments fan pas vendre.

De candidats a l’immigracion victimas de passaires sens escrupuls, n’i a cada jorn e destorban pas pus nòstra vida vidanta. Quant als Estatsunidencs e lor concepcion de la democracia, es quicòm que los Franceses an pas jamai capitat de comprene quitament se son abeurats de serias estatsunidencas.

Non, los escandals que vos vòli parlar son los que concernisson la deputada V. Massonneau e la coneguda N. Morano.

La primièra foguèt la victima del deputat de Morbihan, que viatjava aparentament un pauc dins la glòria e que trobèt amusant de còt-còt-codecar pendent son intervencion a la tribuna de l’Assemblada. La segonda foguèt la cibla d’un umorista qu’avèm conegut mai « inspirat ».

I a pr’aquò una diferéncia entre los dos escarnis. Òm poiriá esperar que nòstres elegits aguèssen un comportament digne quand son en session ; l’umorista, el, maneja l’umor al segond gra e representa pas qu’el sonque. E la victima a rason d’acceptar pas l’escarni mas, de mon punt de vista, n’a pas rason quand ditz qu’es una injúria cap a totas las femnas.

Avèm pres l’abitud fàcia a d’eveniments que nos pertòcan d’apelar al secors tota una categoria mentre que i a pas que nosautres que sèm conernits. Un pauc coma se lo que me diriá « cap pelat » o « corta cuèissa » se trufava de totes los que se tròban dins una situacion identica…

Editorial de La Setmana, n° 940

Partager cet article

Repost 0
Andriu de Gavaudan
commenter cet article

commentaires

JIG 17/10/2013 19:03

Adishatz
Qu'aimi hòrt lo Bedos e que'm hè hasti la Morano. Pr'aquò be pensi lo trèit aqueth qu'èra mauvienut e malastrós. Entà detestar un o ua politic(a), n'èi pas besonh d'esmaginar e d'atacar la soa vita privada tant que ne faussa pas la lei.
Be pensi l'insurta qu'èra misogina. "Cona", que s'adreçava a la persona (d'un òmi auré podut díser "con") : aquò rai. Au contra, "salòpa" qu'ataca las mòrs supausadas de la Morano coma hemna. N'i a pas cap equivalent contra los mascles. Lo fèit que los escarnis contra las hemnas e sian soventassas en devath de la cinta (e quasi jamei taus òmis) ei evidentament un reflèx sexista.

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca