Overblog Suivre ce blog
Editer l'article Administration Créer mon blog
18 novembre 2013 1 18 /11 /novembre /2013 14:22

Carrièra bòrnia : per qui ?…

Vòli pas dire mas me demandi se vau contunhar longtemps de legir la premsa o d’agachar las novèlas sul fenestron. Fan pas que nos rebatre las aurelhas amb las catastròfas al defòra e al dedins del país.

A ! N’aurem entendut parlar de la globalizacion qu’es l’escasença de mancar pas per accedir enfin a la civilizacion presenta e futura e al bonaür sens limits.

A ! N’aurem entendut parlar dels mercats que caliá daissar far sens los embestiar amb de règlas e de condicions de foncionament. Los mercats son, se ne cresèm los financièrs, los « savis » de l’epòca modèrna amb, coma qualitat màger, la de privatizar los beneficis e de mutualizar las pèrdas !

La saviesa (sic) dels mercats – idèa promoguda en los Estats Units e badada en Euròpa e enlòc mai a l’epòca – a permetut la falhida de milions de ciutadans mentre que las institucions bancàrias fasián de « chantage » als governaments en metent en avant qu’èran tròp poderoses per far falhida e que, arribèsse LA catastròfa, seriá lo planeta a ne sofrir, e coma…

Los governaments an donc sauvat aquelas institucions sacamandas en pensant a totes los paures esparnhants que se trobarián sens un quite sòu se, per cas, las institucions podián pas mai onorar sos engatjaments. França faguèt tot parièr coma los Estatsunidencs, los Britannics, etc.

E, miracle ! gaireben extremonciadas quand la crisi esclatèt, èran requinquilhadas mens d’un an après en avent retrobat lor vam, lor estrambòrd e lor arrogància cap als governaments… Salaris, primas e accions aumentèron a flor e a mesura que los licenciaments se fasián de mai en mai importants.

Coma me o disiá ja, annadas a, un vesin amonedat : « Lo governament prenguèsse moneda als rics per lo balhar als paures, fariá pas grand causa coma i a mai de paures que non pas de rics ! » E ajustava per far bona mesura : « De tota faiçon, aguèssen mai de moneda, los paures l’anarián beure al cafè ! »

Los que son al poder o an comprés ! Pensan qu’es mai aisit de prene la moneda als petits perque son mai nombroses…

De mon punt de vista, trabalhan fòrt e mòrt per una revòlta contra l’ « esquèrra que s’es perduda » !

Cronica occitana

Le Petit Bleu de Lot-et-Garonne

Dimenge, lo 17 de noveme de 2013

Partager cet article

Repost 0
Andriu de Gavaudan
commenter cet article

commentaires

JIG 18/11/2013 15:19

Tant qu'ei la dreta qui'ns pocheja, lo pòble que's pòden neurir d'esperança en dise's de que serà miélher quan arribin l'oposicion. Mes quan ei parièr dab la pretentuda esquèrra, çò qui cau har ? Se ne fonciona pas mei l'alternança e lo pacte sociau que s'esvalisa, alavetz tot qu'ei parat tà ua revolucion.
Goteja, goteja, a fòrça l'ola que barreja…
Quan caderà lo gotòt de tròp ?
En tot cap lo Valls que's pòt estar en pè de guèrra, n'i cambiarà pas arren.

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca