Overblog Suivre ce blog
Editer l'article Administration Créer mon blog
12 février 2014 3 12 /02 /février /2014 00:12

Los pesolhs revenguts…

Se ditz de temps en quora, al canton – quand n’i a un – o al cafè, que França a la Drecha mai bèstia del mond ! E n’i a totjorn un autre per apondre que l’Esquèrra li fa rampèl sens cap de dobte. Aquò dich, en ma « qualitat » d’observator, ai pas cap de solucion per remediar a aqueste gra zèro de la vida politica, promogut – vesi pas d’autre mot ! – per totes los tenors que quitan pas de dire que fan la setmana de trenta-cinc oras dins la jornada mas que tròban lo temps d’aver un avís sus tot, e de o far saber, en se fasent invitar pels mèdia audiovisuals, mai portaires que la premsa escricha. Diluns foguèt lo J. F. Coppé que venguèt far la promocion involontària d’un libre – Tous à poil, publicat en 2011 – en afortissent qu’èra recomandat pels drollets dins las escòlas e qu’aquò èra un escandal dins la mesura qu’aqueste libre mostrava pas que còrses desnudats d’òmes e de femnas, de drollets e de drolletas… Naturalament, çò qu’afortís aqueste mossur es faus mas li cal ben « putanejar » – excusatz ! – per ensajar de recuperar los electors partits veire se l’èrba « blava marina » tastava melhor. Per malastre, es pas lo sol a proferir d’asenadas que las gents son pregats de creire. La tela favoriza la desinformacion autant mai que las reaccions de las autoritats competentas son sovent trastejantas. Sèm tombats dins l’èra del quart d’ora de celebritat per cadun. E totes o vòlon ! Los mèdia, que lor ròtle es normalament d’informar, son coratjoses sens èsser temeraris e la brèva ten lòc de testimòni dins la premsa escricha e lo presentator tele, gloriós coma un pesolh revengut, anóncia que ven de « far lo torn de la question » en… doas minutas. E quid dels arguments a propaus d’una ratificacion eventuala de la carta per las lengas regionalas… ?


Editorial de La Setmana, n°956

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca