Overblog Suivre ce blog
Editer l'article Administration Créer mon blog
6 décembre 2014 6 06 /12 /décembre /2014 16:37

« Cinèma » e duplicitat !

Benlèu que lo vòste setmanèr e poiré gahar mei de legidors en se virar cap a las fòtos panadas, en publicar con·hessions de personalitats… occitanas o en enquestar en « calam amagat » ! demest los tenguents de la « lenga » marensina o la de Perpèta-las-aucas – lista de « lengas » dubèrta… Aqueste preambul n’èra pas sonque ende díser que vivem au ritme deu vederisme quau que sia lo mèdia : premsa, ràdio, television. E, quitament dens los mèdia, dits de qualitat, que n’am entau nòsta moneda. Que semblaré que los que’s creden la « crèma de la crèma » e ne’n sian demorats aus films d’un còp èra : Pan, amor e fantasia, sens la fantasia mès damb la moneda a la plaça. La Maria-Brasòc ne pòt pas mei dançar e brilhar au castèth ; que’s venja en contar pertot la soa aventura òrra damb un prince vauchic. Los mossuròts, e autes tanben, de la politica que nse demandan de har sacrificis deus gròs entau « salut de la patria » que’s compòrtan com sacamands quan s’ageish deus lors interès en considerar que la lei comuna ne s’aplica pas a eths. E, coma ac ditz lo reprovèr, s’es vertat que « Es dens las topinas vielhas que se hèn las sopas mei bonas » qu’em servits… Nicolas qu’es tornat ! Ailàs, se n’es pas enqüèra lo desamor, los sos amics politics ne’u hèn pas mei los uelhs de Chimena e aquò que’s compreng. Que n’a mentit – lo mot qu’es un pauc hòrt ! – en tornar a la politica e mei d’un espèr que son contrariats. Nicolas, çaquelà, qu’a un atot ; los mèdia, au mens televisuaus, que l’aiman. Dimenge, que perpausè aus jornalistas – a l’espèra tota la jornada de las consultacions post-eleccion deu president navèth – de’us aufrir un cafè enta’us arremerciar. De qué ? De har lo lor trabalh ? E òc, l’aumatge d’un trabalhador a d’aures… la classa, qué !

Editorial de La Setmana, n°997

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca