Overblog Suivre ce blog
Editer l'article Administration Créer mon blog
6 décembre 2014 6 06 /12 /décembre /2014 16:34

Cronica « people » !

Moriguèt a 93 ans, la primièra setmana de novembre, Ricardo Ballardo, « a French flamenco guitarist […] born in a gypsy caravan », « un renommé guitariste français gitan » – cf. Wikipedia anglés e francés – mai conegut, de segur, jol nom de Manitas de Plata. Los mèdia exagonals balhèron un resson a sa disparicion avant de passaar a quicòm mai. Se pòt comprene se consideram que nòstre planeta sembla virar de mai en mai viste. Localament, se’n parlarà encara longtemps dins lo ròdol Seta-Camarga e son nombroses los que vos porgiràn una anecdòta sus Manitas… Tè ! Vau far lo « quèco », ieu tanben. L’ai plan conegut a Manitas… enfin, vòli dire, l’ai conegut e li ai parlat mai d’un còp, en defòra de tota ceremònia oficiala. Èra a Montpelhièr, barri de la Cité-Saint-Martin, dins las annadas 1965-1970, e èri en carga – pas tot sol – d’un endrech ont los joves se podián recampar per escotar de musica e dançar. E Manitas veniá, de temps en temps, per dançar, el tanben, e sustot gaimantejar (coma dison los Gascons). Li deguèri dire mai d’un còp que podiá pas far cèrtas causas dins aqueeste endrech ont i aviá pas que de personas minoras – majoritat a 21 ans, a l’epòca. S’emmaliciava pas e, après aver dançat e blagassejat, se n’anava… pès nuds generalament. Èra ja conegut a l’epòca mas cresi qu’aimava, quand èra pas amb sa tribú, anar tot sol a l’azard baltazar… Avètz remarcat, çaquelà, que se los mèdia an parlat d’un virtuòsa gitano, fach de raprochament amb Django, lo manoch, etc. degun a mençonat lo « pòble gitano » que viu, lo mai sovent dins de condicions miserablas e es victima d’ostracisme de la part dels ciutadans « normals ». Mòrt roïnat – A ! los chucasang – Manitas dobliguèt pas ni reneguèt pas sa tribú. Qualitat rara…

Editorial de La Setmana, n°995

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca