Overblog Suivre ce blog
Editer l'article Administration Créer mon blog
6 décembre 2014 6 06 /12 /décembre /2014 16:31

Las piadas de Francés…

Vòli pas dire mas lo monde semblan pas pus saber que Nadal es totjorn lo 25 de decembre… enfin, quand disi lo monde, seriá melhor de dire las gents que fan comèrci de vendre !

E, coma los Franceses – es plan conegut ! – son plens d’imaginacion, se pòdon pas empachar de « copiar-pegar » çò qu’es ara una tradicion otra Atlantica : lo Black Friday.

La majoritat, çaquelà, dels que s’interessan a nòstre pòrtamoneda son damorats timidòts e aquel divendres del tron de Dieu es pas qu’un pet dins una pantofla !

Mas enfin, coma cal consumar per tornar far partir la creissença per çò que lo progrès, car als socialistas, permet pas encara de resòlvre totas las dificultats, del caumatge a la fam sul planeta, e ben, consumem !

Urosament que l’ajudèm, lo pair Nadal, en començant de d’ora las crompas si que non, pauròt, i sufiriá pas tot sol…

E es pas lo Papa que l’ajudarà ! Lo Papa ? Aquel es lo primièr vengut de l’emisfèri sud e, originari d’un país ganhat a la democrcia desempuèi gaire temps sap que creire al Paire Nadal, se va plan per un temps, pòt pas durar.

Dempuèi son eleccion sul sèti de Sant Pèire, a facha – e contunha de o far – la demostracion que çò que l’interessava, èra la realitat. Aquesta realitat podiá pas èsser ignorada sens far córrer a lm’institucion de dangièrs enòrmes.

Se ditz que los cardinals l’an elegit per aquò ; devon aver rason mès ne’n soi pas segur. Pensavan pas, los cardinals dins son ensemble, que butassariá los dignitaris dins lor confòrt confortable d’aquela faiçon. Pensavan pas tanpauc que sas paraulas serián « revolucionàrias » pertot ont anariá.

O provèt encara, se n’èra de besonh, la setmana passada quand anguèt a Estrasborg, oficialament per far coneissença en realitat per ne profiechar per dire que los païses europèus devián pas oblidar lor dever e devián s’acarar cap als problèmas de l’immigration, etc.

Levat qualques « integristas » que refusèron d’èsser presents pendent sas allocucion, los elegits europèus presèron aquelas paraulas simplas e de sens coùun.

Que ne faràn ? Possible que siá pas qu’un fuòc de palha en cò d’una majoritat mas pòdon èsser segurs que Francés, la papa, o tornarà dire.

A Istambul (Turquia), en país musulman, rapelèt qualques evidéncias ; coabitacion de las diferentas religions e libertat de practicar una o l’autre sens qu’aquà siague un dangièr per se o pels autres…

Sembla que diga a cadun de sos discorses que « i aurà plaça per totes dins la maison del Paire ». Un actitud novèla de la part de la Glèisa…

Cronica occitana

Le Petit Bleu de Lot-et-Garonne

dimenge, lo 30 de novembre de 2014

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca