Overblog Suivre ce blog
Editer l'article Administration Créer mon blog
6 décembre 2014 6 06 /12 /décembre /2014 16:32

Las trompetas de Jerico ?

Que vengui vielh ! Qu’ac sabi, qu’es la lei comuna e la marquisa que refusava las avanças deu vielh Corneille que la parlava, qu’ac vengó au son torn… Non, se disi aquò es que’m soi susprés, l’aute gèr, a aver las lagremas aus uelhs en espiar lo documentari-imatges d’archius a perpaus de la « caduda » deu mur de Berlin e deus eveniments que l’avèvan davantejat e seguit. Vint e cinc ans déjà que, çò qu’estó batiat a l’epòca « la muralha de la vergonha » n’existeish pas mei. Quauque temps avant aqueth eveniment istoric, Erich Honecker que prononciè lo son darrèr discors on disèva que « cada país e [avèva] lo dret e lo dever de’s protegir e de protegir los sons ciutadans e que, en agir atau, poirén hestejar la DDR dens quarante ans e quitament dens un sègle ». Mès la fin qu’èra pròcha e Gorbachev, lo mèste deu Kremlin, qu’avèva signat damb la glasnòst dens lo quadre de la perestroïca, l’arrèst de mòrt de l’orde gessit de la segonda guèrra mondiau. N’avèva pas hèit arren contra Ongria que hasèva reformas « liberaus » e que, pendent l’estiu de 1989, permetó aus « toristas » èst-alemands d’anar véder se, a l’oèst i avèva quauquarren de navèth ! Lo vèrme qu’èra dens la fruta desempuish bèra pausa e la visita de Gorbachev a Honecker n’estó pas sonque ende’u balhar un « baisar de la mòrt » … politic. Imatges que pòden ssemblar un pauc surrealistes a las generacions navèras e que l’èran enqüèra mei endeus Alemands a l’epòca. Lo jorn d’avant, los fugitius que corrèvan a ua mòrt quasi certana, lo lendeman los guardafrontèra, tot destimborlats los praubes, que disèvan : Que podetz passar. » Incredulitat, gaug, jòia, plors demest los Alemands de l’Èst com de l’Oèst… Ua estona, lo planeta que pensè d’aver resolut tots los sons problèmas…

Editorial de La Setmana, n°994

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca