Overblog Suivre ce blog
Editer l'article Administration Créer mon blog
6 décembre 2014 6 06 /12 /décembre /2014 16:38

Los que jògan als botafuòcs…

Vòli pas dire mas me sembla que, de mai en mai, nòstra democracia pejoreja.

I a, de segur, aquela individualizacion de nòstra societat que fa que cadun se pensa l’emboniga del monde e que, al nom de sa libertat, es prèste a escrachar la dels autres.

I a aquela intolerància cap als autres que creis cada jorn un pauc mai e qu’atomiza nòstra societat.

Encara un pauc de temps aital e calrà pas s’estonar que la ghettoïzacion venga la règla.

Cadun a l’impression que son salut vendrà pas que de sa capacitat a afrontar los autres e, s’es de besonh, a s’aligar amb un grop de las meteisssas conviccions.

Sens èsser ni sociològ ni un especialista dins aqueste domeni, ai pr’aquò qualques idèas aquí dessús. Los qualques viatges qu’ai pogut far dins ma vida m’an permés d’aquesir non pas una expertesa mas çaquelà qualque experiéncia.

E vesi ben– la causa es pas novèla ! – que seguissèm lo camin que coneguèron los Estats Units un vintenat d’ans en per abans.

Mas, coma es plan conegut que los Franceses son un pòble elegit e que França es la « maire de la democracia » (sic), los que nos govèrnan, al fial de las annadas, son persuadits que lor dever es de pensar e d’agir per lo ben de totes aqueles « personas normalas » que, sens eles, serián perdudas !

O vesèm ben amb l’Escòla, amb la privatizacion de las estructuras qu’èran publicas fins ara, etc.

O vesèm – per un còp en cò nòstre – amb la linha de granda velocitat que deu èsser perlongada fins a Espanha d’un latz e, fins a Tolosa, de l’autre.

L’enquèsta publica se clava diluns e ssabi pas se son estats nombroses los que son anats escriure lor vejaire mas sembla pas que i aja una majoritat de convençuts.

De tota faiçon, los mèdia presentan la causa coma entenduda sens esperar las conclusions de l’enquestaire. Los presidents de las regions concernidas, lo cònsol d’Agen, qu’a tanben la casqueta de president de la comunitat d’aglomeracion an decidit que, per èsser mai pròche de París (lo graal !) nos caliá un linha de granda velocitat qual que siá lo prètz a pagar… per nosautres, contribuables per las annadas a venir.

Los rapòrts oficials disan qu’aquelas linhas son una peguessa a l’ora d’ara. Silenci ! Lo president de la SNCF ditz qu’aquelas linhas seràn pas jamai rentablas. Silenci !

E son los meteisses que ploran e repotegan contra lo deute grandàs de França e la carga qu’anam daissar a nòstres descendents.

Vos estonetz pas se vòstra filha es muda ; mas lo jorn que dubrirà los caisses, serà benlèu mai qu’un crit de colèra !

Cronica occitana

Le Petit Bleu de Lot-et-Garonne

dimenge, lo 7 de decembre de 2014

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca