Overblog Suivre ce blog
Editer l'article Administration Créer mon blog
6 décembre 2014 6 06 /12 /décembre /2014 16:35

« Monsieur le pape » !

A mens d’èsser una persona politica – e encara ! – far parlar de vos per vos far conéisser o quitament existir es pas gaire aisit. Manjar vòstra amiga amb d’escaluènhas, far fregir los joièls de familha de vòstre fringaire… vos pòdon portar una renommada efemèra, mas cal mai qu’aquò per durar e son pas nombroses a l’aver comprés. I a las « femen » que, dins l’exagòn al mens, fan d’escandal dins las glèisas o las catedralas en se despolhant, en fasent gèsts obscènes e en cridant contra l’opression religiosa e la dominacion masculina – espèri de m’enganar pas ! La causida d’aquestes luòcs es deguda a lor ignorància de l’existéncia de sinagògas e de mosquèas. E i a lo campion de la democracia, lo sol qu’exalta la laïcitat, lo qu’a trobat son « camin de Damàs » après aver randolejat un quarantenat d’annadas amb d’amics pauc recomandables que se disián socialistas. Sos fans dison qu’es un orator – e quitament un retor – de tria e que, amb Le Pen (lo paire) es lo sol a manejar la lenga francesa aital, la sola que conesca aparentament e la sola que valga la pena d’èsser coneguda ! Mas l’òme de l’eissarpa roja sap que los mèdia son a l’espèra de sos quolibets e de sas « frasòtas contra… » Dins sa lucha per la laïcitat, esitèt pas a sostenir la politica de China en Tibet, bailejat avant son ocupacion per una teocracia jos l’egida del Dalai-Lama. Val mai un « democrata » chinés qu’un teocrata tibetan. Après sa colèra contra los falsificaires de l’Istòria de França dins un jòc electronic, la venguda del papa Francés li balhèt l’escasença de promòure sa laïcitat – o son laïcisme ? Escriguèt una letra dubèrta a « Monsieur le Pape » per li dire son desacòrd amb sa visita dins un luòc « laïc », lo parlament d’Estrasborg, e o far saber urbi et orbi !

Editorial de La Setmana, n°996

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca