Overblog Suivre ce blog
Editer l'article Administration Créer mon blog
16 décembre 2014 2 16 /12 /décembre /2014 15:51

París, encara París !

Vòli pas dire mas, de setmana en setmana, de jorn en jorn, i a los gorós televisuals, gaireben presents dins totas las emissions on i a de parladissa, que nos anóncian una catastròfa indefugubla se non per doman al mens per lo jorn que seguirà !

Tot aquel monde, de segur, an sas abituds a París « intra muros » e donc an pas cap de problèma per anar dins los estudios de nòstra television exagonala o de totas las autras. N’es tot parièr per las emissions de ràdio…

Tot aquel monde tanben, totjorn prèstes a far conéisser çò qu’an dins lo cap se desplaçan pas per res. Sabi pas qualas son las indemnitats o las tornas que tòcan a cada còp mas se ne jutjam d’après las que tòcan los « animators » o los « intervenents » dins las emissions « people », son qualques centenats d’euros a cada còp que mostran lor cocura sul fenestron.

Sens cap de dobte, son de gents competentas : cap-redactors de jornals o de magazines exagonals, sociològs o avent una profession en -lòg !, etc.

Levat excepcions, apartenon totes al microcòsme parisenc. E ieu, aquò me met en colèra mai d’un còp. Òc, sabon parlar dels afars internacionals e coneisson totas las chifras. Òc, coneisson lor París, la societat germanopratina, los òmes politics… e las femnas, lo CAC 40 e Nabilla (sic). Òc, an pas qu’un mot – o dos – a la boca : los Franceses, França… e las solucions que balhan semblan, a primièra vista, senadas.

Mas, per un « ploc » coma ieu, perdut – que non pas ! – dins sa campanha, lors arguments passan a costat !

Ai l’impression que « las regions » de França son pas que de « variablas d’ajustament » per rapòrt a La Region de París.

Aital del desvolopament de las linhas de granda velocitat sul territòri exagonal : un afar extraordinari que permet de metre París a tres de Marselha, París a una ora e mièja d’Estrasborg e que metrà París a doas oras de Bordèu…

Aital dels espectacles o de las exposicions : publicitat sus las ondas, sul fenestron per d’exposicions magnificas que l’entrada n’es a gratis o còsta pas que qualques euros. Nos pregan de las anar veire, per çò que seriá un « crimi » de mancar una tala oportunitat…

Aital de… La lista seriá tròp longa. Après tot, se vòlon viure a París… Lo problèma es que nòstres elèits locals e regionals son en fasa amb eles e, a còps, son mai aparisenquits que non pas aqueles Parisencs (vengut de « la província », çaquelà). Lo cònsol d’Agen, lo president de Region n’an duèlhs que per París qu’un LGV permetriá d’i èsser mai viste.

L’afar es pas novèl, o sabi mas perqué èsser obnubilat per las còsta luenhencas al lòc de s’ocupar de las plajas vesinas ?

Mistèri de la centralizacion francesa ?

Cronica occitana

Le Petit Bleu de Lot-et-Garonne

Dimenge, lo 14 de decembre de 2014

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca