Overblog Suivre ce blog
Editer l'article Administration Créer mon blog
16 décembre 2014 2 16 /12 /décembre /2014 15:49

Un Cambronne modèrne ?

Soi coma los autres, aimi pas tròp de reconéisser quand ai tòrt… e, los mots me venon pas aisidament en boca dins aquelas circonstàncias. Me cal pr’aquò admetre qu’ai agut tòrt de dire que nòstre Robespierre de l’eissarpa roja parlava pas que la lenga del Lums e benlèu un pauc la de Cervantes en causa de sas originas. Sabiái que nòstre deputat europèu, elegit dins lo Sud-Oèst, cresi, aviá pas que mesprètz per totes aqueles patejesaires que gausavan revindicar un drech per las lengas istoricas de França. Quina suspresa d’aprene que, colèra, aviá enviat un bresilhadís a la cancelièra alemanda en… alemand : « Maul zu, Frau Merkel, Frankreich ist frei ». Pareis qu’aquò vòl dire : « Cala-te, madama Merkel, France is free ». Benlèu que s’es sovengut de l’apostròfa en public del rei d’Espanha a Chavez : « Cálla te ! » La prauba cancelièra a degut èsser estomagada de se far brandir las pelhas aital per un òme que se ditz prèste a menar una politica de progrès se, per cas, lo « capitani de pedalo » li demandava. Es pas que de violéncia verbala mas cal pas doblidar que, i a gaire, los païses se fasián la guèrra per mens qu’aquò ! Ne val mai sorrire que plorar per çò qu’es pas lo sol de nòstra classa politica a manejar l’escarni.

Nos vendràn dire puèi que las « incivilitats » aumentan demest los joves en particular ! Son messatge a la Merkel servirà benlèu a promòure la lenga de Goethe e, de tota faiçon, es un omenatge a una lenga autra que lo francés. I a pas que lo primièr pas que còsta e li suggerissi d’enviar un bresilhadís a Matteo Renzi : « Stronzo, smettila ! La Francia è libera » e a B. Obama, etc. Veiretz que i va prene gost a las lengas estrangièras e, un jorn benlèu, l’ausirem dire amb l’accent : « Calatz vos, macarèl ! »

Editorial de La Setmana, n°998

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca