Overblog Suivre ce blog
Editer l'article Administration Créer mon blog
15 janvier 2015 4 15 /01 /janvier /2015 12:21

Se pòt festejar Nadal… o pas !

Vòli pas dire mas lo mestièr de jornalista ven de mai en mai complicat. E pas unicament aqueste… Amb las rets socialas, totes e cadun se pòdon exprimir jos son nom personal o un avatar.

En mèma temps, en seguissent los grops de pression, de leis son estadas votadas que declaran coma un crimi tala o tala paraula, sens parlar dels articles que pòdon èsser escriches.

En mèma temps totjorn, n’i a qu’an léser e de moneda per serseguir en justícia totòm que gausa pas pensar coma la majoritat. E la pensada inica es pas jamai estada de mòda coma a l’ora d’ara.

O vesèm ben amb l’afar de las grépias aicí o là e lo rapòrt a la laïcitat – m’excuseretz mas ieu, apèli aquò de « laïcisme ». Ne i a que pensan fòrt e mòrt qu’una grépia a pas res a far dins una maison comuna.

Stricto sensu, an rason mas França, pèrd de mai en mai son èime « latin » per daissar paréisser pas que sa part « germanica ». La lei es la lei mas, per lo Latin que soi, i a dins la lei, la letra e l’esperit.

Los de la pretenduda « liura-pensada » vòlon pas saber e, dins lor acarniment a luchar contra la man-mesa de la religion sus la societat – fuguèt vrai temps a – aimarián que totes los crestians e los autres faguèsson çò qu’apèlan lors salamalècs dins de catacombas. Aqueles coneisson la Bíblia e lo Coran d’a fons ; los coneisson talament que considèran l’occitan e las autres lengas istoricas de França coma de religions !

Refusan la Trinitat « religiosa » mas la restablisson per lor amira personala : estat-nacion-lenga !

Enfin, es un periòde que totes deurián aimar : lo de Nadal. Lo qu’a « pas jamai existit » portèt, dos mila ans a, un messatge d’amor e de patz. Que foguèsse un usurpator pels mescresents o lo Messia pels cresents, fa pas res ; son messatge pòt èsser seguit, aquò manja pas de pan !

Poguèssem, nosautres los òmes, daissar un momentòt la rancura al vestiari, seriá pas un bèla causa ?

Pogèssem, nosautres los òmes, far pròva de tolerància cap a nòstres vesins, seriá pas polit ?

Anem, los temps son pro dificiles per se n’anar pas cercar bregas a cada còp que manca un punt sus una i.

Dijòus, Nadal. Per una majoritat, serà l’escasença bèla de far petar qualque bona botelha e de se manjar de fètge gras amb la parentèla e de se regaudir de veire los drollets desplegar los presents tombats de la chaminèia. Los autres auràn, qui o sap, un pensada per aquel Jèsus que nasquèt dins una grépia. E alavetz ?

Que totes sián uroses !

Bon Nadal a totes…

Cronica occitana

Le Petit Bleu de Lot-et-Garonne

dimenge 21 de deceme de 2014

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca