Overblog Suivre ce blog
Editer l'article Administration Créer mon blog
21 août 2017 1 21 /08 /août /2017 20:43

Foliá dels òmes…

 

Los que dison que cal tornar botar de contraròtles a las frontièras devon aver rason !

I a plan longtemps que los Estats Units ne balhan l’exemple, subretot desempuèi l’ataca e la destruccion de las torres del Word Trade Center de Nòva York en 2001 per de terroristas que lors motius èran sonque religiós e que se reclamavan de l’islam amb una frasa que o resumís tot : « Dieu es lo mai grand ! »

Sul territòri de la França de uèi, coneguèrem aquesta foliá qualques sègles a : èra pendent la crosada contra  los Albigeses al sègle xiii quand, al cors del chaple d’una vila occitana, dison qu’un evesque cridèt a la tropas vengudas del Nòrd : « Tuatz-los totes, Dieu reconeisserà los sieus ! » Quitament s’aqueste es pas estat lo darrièr dels chaples al nom de Dieu, òm auriá pogut pensar que causas aital se tornarián pas veire…

Èra sens comptar sus la perversitat de qualques òmes que meton l’èsser suprèm al servici de lor foliá e de lor ambicion al luòc de se metre a son servici. Èra sens comptar sus de mond que profièchan de l’ignorància de lors fisèles per presicar la violéncia e lor demandar d’assassinar, amb totes los mejans meses a lor disposicion, los infidèles !

A partir d’aqueste jorn de 2001, funèst per eles mas tanben per totas las autras nacions occidentalas, la gangrena del terrorisme, dich religiós, a ganhat lo planeta amb de gras divèrsses.

D’en primièr, son las nacions del monde « occidental » que son pertocadas : França, Belgica, Gran Bretanha, etc. Son los infisèles tipes se se pòt dire. Mas i a tanben los infisèles musulmans, es a dire totes los que pensan pas coma aquestes « fòls de Dieu ».

Aqueste dijòus, foguèt Catalonha lo cibla. La tecnica màger es plan al punt ara ; sufís de prene una veitura o un camion e d’anar dins un endrech claufit de mond, toristas en general mas pas unicament, e de tuar lo mai de personas possible en rotlant duls trepadors per exemple. Una autra tecnica es de prene un cotèl e d’escotelar totes los que son a portada.

La foliá dels òmes a pas fenit de nos estonar…

 

Andriu de  Gavaudan

Le Petit Bleu de Lot-et-Garonne, dimenge lo 20 d'agost de 2017

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca