Overblog Suivre ce blog
Editer l'article Administration Créer mon blog
14 août 2017 1 14 /08 /août /2017 08:51

Jupiter, Janus e qualques autres benlèu…

 

Vòli pas dire mas me sembla que lo quinquenat serà jupiterian o pas coma o a dich nòtre novè president. A comprés que servissiá pas a res  de se daissar anar a de confidéncias als jornalistas, de s’ensajar a d’aforismes o de tenir sa pagina Face Book o son compte twiete coma o far lo president estatsunidenc.

A decidit que sa paraula seriá rara, es a dire que sa tronadissas se farián remarcar. Li demòra pas que cinc ans per nos convéncer qu’a rason. Pel moment, daissa far lo primièr ministre mas empcha pas los recadratges e unes cacofonias al dintre del govèrn o dels deputats. Los vòli plan excusar e tota activitat deu començar per un aprendissatge d’aquesta.

E puèi, cossí lo cronicaire o lo jornalista fariá sos articles se i aviá pas que « de trins qu’arribèssen a l’ora » ! Legissi aicí oo alai de comentaris sus tal o tal ministre o deputat e lo mai sovent, los comentaris se resumisson a d’injúrias.

Benlèu cal ramentar que degun nos a pas forçat a votar per un o per l’autre. En votant pel president sabiam que nomenariá d’òmes e de femnas capables de lo servir e de servir sa politica, que foguèsson d’esquèrra o de drecha. Èram segurs que lo movement seriá amplificat a la eleccions legislativas, subretot en vesent la situacion dels partits tradicionals desempuèi una brava passa.

Los mèdia an joslinhat la descasença dels ,partits incapables de se renovelar e concernits sonque per lo perlongament de lor ineficacitat. Per astre – o per malastre, per d’autres – n’èram arribats a un punt que los Franceses, quitament los mens politizats, n’avián son confle de totes aqueles arlèris abituats a viure fòra-sòl al dessús de la lei comuna que subissèm totes, gents normals !

Lo president, coma Janus, a doas caras benlèu… la de la campnha electorala e la de las realitats de cada jorn. N’es totjorn estat aital e vesi pas perqué li’n fariam repròchi. Per estar elegit, cal prométer mas aprèps n’i a pas un que se sentís obligat de téner las prxoomessas…

Alara, esperam e, lo còp que ven, ne prendrem un autre !

 

Andriu de  Gavaudan

Cronica occitana

Le petit Bleu de Lot-et-Garonne dimenge 6 d'aost de 2017

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca