Overblog Suivre ce blog
Editer l'article Administration Créer mon blog
14 août 2017 1 14 /08 /août /2017 08:52

Vòtas e fèstas…

 

Vòli pas dire mas ieu que soi un pas solitari, per volontat pròpria e non pas per obligacion, me pòdi pas empachar de legir cada jorn dins « Lo Pichon Blau » la rubrica qu’anóncia las diferentas manifestacions organizadas dins los vilatges d’Òut e Garona.

O sabètz de segur mas çò que val per nòstre departament val per totes los departaments de l’exagòn. Pendent lo periode d’estiu, cada vilatge se deu d’organizar un quicòm per sos estajants mas tanben per mostrar als « estrangièrs » que « sèm pas tròp plocs e que podèm, nosautres tanben, far la fèsta » !

Vists de la vila o vists pels vilards, totes aqueles eveniments apareisson un pauc ninòis estant que d’un vilatge a un autre, son mai o mens las meteissas activitats… Las comunas, las pichonas subretot, an pas cap de mejans per far venir de grops musicals o autres e per los pagar. Alavetz, lo « Comitat de las fèstas » que gaireben cada vilatge o vilòta n’a un, se deu despatolhar per far d’animacions…

Es aital qu’avèm de « vueja-granièrs », de quinas e de concorses de belòta un pauc pertot ; arriba qu’un endrech se distinguís per una activitat particulara coma la d’escupissèire de granas de melons o de lanceire d’òsses de persècs quand son pas d’activitats que tornan a l’an pèbre coma l’eleccion del rei dels messorguièrs de Montcrabèu que, cada an, se debana lo primièr dimenge del mes d’agost.

Autres còps, per la vòta del vilatge, i aviá los manètges (vira-vira o de cavalons) mas l’evolucion de  nòstra societat a fach que se pòdon trobar ara pas que dins las vilòtas o vilas… Dins qualques endreches, los jòcs de quilhas – o lo rampèu – atiran encara qualques amators… sonque la ptanca a drech de ciutat !

Mas , çò que fasiá lo ligam entre las estajants a mai o  mens desaparegut, victima de la modernitat. Los joves rabalan amb cadun son telefonet intelligent dins la man, religat a las aurelhas per d’escotaires, e escota la musica que d’autres milions de joves escotan. Una faiçon coma una autra de se diferénciar es de far coma los autres…

 

Andriu de  Gavaudan

Cronica occitana

Le Petit Bleu de lot-et-Garonne, dimenge, 13 d'aost de 2017

Partager cet article

Repost 0
Andriu de Gavaudan - dans Vida vidanta
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca