Overblog Suivre ce blog
Editer l'article Administration Créer mon blog
2 septembre 2017 6 02 /09 /septembre /2017 18:24

De la pusillanimitat dels Òmes…

 

Vòli pas dire mas l’espòrt e la metèo son dos subjèctes que tenon una plaça màger dins los mèdia. E los Franceses, a còps, serián plan embestiats per trobar quicòm a se dire, levat per « adieu » o « adieusiatz » !

Mentre que amb lo temps qu’a fach, que fa o que farà, i a totjorn quicòm a dire. Generalament la metèo s’engana, çò dison ; anónccian la ploja sul fenestron e lo solelh brilha tant e mai al dessús de vòstre cap.

Los Franceses, se ne rendre compte, opausan una resiténcia al centralisme parisenc. Quitament se las previsions son de mai en mai finas, segur que, en demorant dins las generalitats, los meteorològs pensan pas especificament a Agen o al Pont del Casse ! Per aquò far, vos cal soscriure als bulletins metèo especializats ; aqueles son pas a gratis mas avètz de previsions per cada quart d’ora de la jornada se n’avètz de besonh.

Lo sol bemòl que podèm aver es que vos anóncian l’afar a brutle coma s’avián lo tren a prene… Un estrangièr que compren aquelas anóncias, vos cal pas dire de mal d’el per çò que coneis lo francés autant plan coma vos !

L’autre domeni que presan los Franceses es l’espòrt e subretot lo fotbòl. E se doblidan de saber comptar quand vos devon de moneda, los podètz enténer parlar de milions d’euros quand s’agís de la crompa o de la venda d’un jogaire. Vertat es qu’avèm los mèdia per nos ajudar ; se congostan, eles, de totes aqueles milions que los clubs despensan per crompar un jogaire per dire de poder ganhar lo campionat o la copa de te sabi pas qué…

Las menaças de guèrra, lo Brexit, lo rescalfament climatic, los aigats e totas las consequéncias… tot aquò pòt esperar ; es generalament mençonat sens insistir. Per ne saber mai, se cal virar cap a d’emissions especializadas.

Lo pissa-vinagre que repotèga e ditz qu’amb totes los milions despensats per un jogaire, i auriá la possibilitat de noirir milions de dròlles pendent una generacion. Mas qui se’n socita ?

Lo desfís per las generacions a venir fàcia a las catastròfas naturalas esperarà…

Triste mond !

 

Andriu de  Gavaudan

Cronica occitana

Le Petit Bleu de Lot-et-Garonne, dimenge lo 3 de setembre de 2017

Partager cet article

Repost 0

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca