Overblog Suivre ce blog
Editer l'article Administration Créer mon blog
2 septembre 2017 6 02 /09 /septembre /2017 18:15

Vacanças acabadas, la davalada es aquí…

 

Vòli pas dire mas, que o volgam o pas, las vacanças d’estiu s’acaban e la davalada que s’apròcha cada jorn un pauc mai.

Es pas lo calimàs de l’ora d’ara que nos deu enganar. E aquela impression es aumentada en causa de las doas oras « d’avança sul solelh » qu’avèm amb aquela ora dicha d’estiu !

Las animacions culturalas o pas brilhan de lors darrièrs fuòcs e que siá la Fèsta de la pruna – « Fête du pruneau » –, los concèrts d’orguenas a la catedrala Sant-Caprasi d’Agen o las manifestacions mai modèstas dins los vilatges e vilatjòts, tot aquò va daissar la plaça als pensaments de la vida vidanta. Aquesta, çaquelà, a pas jamai quitat la scèna mas es estada relegada en « pagina interiora » dins los jornals o en fin dels bulletins d’informacions a la ràdio o a la tele per d’aissar la plaça a d’activitat mai futilas !

Los dròlles van tornar trobar l’escòla, per la màger part amb plaser. Vertat es que se las gran’ vacanças lor agradan, son contents de tornar trobar lors amics e, soventes còps, lors mèstres e mestressas e lors professors.

La vida sociala e politica va tornar prene sa plaça ; los elegits van tornar trobar lo Senat o l’Assemblada nacionala, los sendicats las manifestacions, etc.

Tot serà en plaça per la pèça de la dintrada que se jòga cada annada. Risca pr’aquò de i aver una diferéncia amb lo fach que lo govèrn a per el un assemblada nacionala qu’a la majoritat absoluda pel primièr còp dempuèi longtemps.

Lo president elegit al mes de mai a fach una cabussada dins los sondatges per sa non-politica interiora e per çò qu’a consagrat son temps a la politica exteriora per tornar « balhar son reng » a França, çò dison sos amics e partisans.

Anèm veire amb la publicacion de las ordonanças sul trabalh e d’autres domenis cossí seràn acceptadas pels Franceses : seràn resignats o revoltats ?

La classa politica que deuriá en principi ajudar los ciutadans a aver un punt de vista es discreditada e bastariá d’una beluga atisada per un aprendís demagòg per metre lo fuòc !

 

Andriu de  Gavaudan

Cronica occitana

Le Petit Bleu de Lot-et-Garonne, dimenge lo 20 d'agost de 20017

Partager cet article

Repost 0
Andriu de Gavaudan - dans Vida vidanta
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca