Overblog Suivre ce blog
Editer l'article Administration Créer mon blog
5 septembre 2007 3 05 /09 /septembre /2007 23:58
Bolegaire o agitat ?

« Lo qui a pintrat las mongetas » n’es pas estat paticularament bon damb los qui èran en comjats ; mès tà ua majoritat de Francés, las jornadas de bronza-cuu o de farniente ne seràn pas sonque sovenirs tà l’annada a vénguer… Ongan, pr’aquò, los Francés qu’an un modèl en la persona deu nòste president. Un exemple de seguir… Partit en familha – e damb qualques intims (!) – au país deus cowboys tà se pausar dens un ostalòt – prestat per amics – au ras deu lac Winnipesaukee (New Hampshire) en tota simplicitat, Nicolas Ièr que ns’es tornat dens ua forma resplendenta e ven de nse prométer que lo « tren de las reformas » s’anava accelerar. Telefonet a l’aurelha e totjorn en movement – com lo gat-esquiròu de las pilas Duracell –, que tròba lo temps de recéber gents en dòu e d’anar a l’aute cap de l’exagòne tà prométer de resòlver uns problèmas. Los reis, autes còps, que guarivan las escròlas ; damb Nicolas Ièr, que nse va caler abituar au miracle permanent e, lèu lèu, Lorda o Fatima que van paréisher vielhòts ; ne seré pas estonant que las autoritats locaus anèssen en justícia per concurréncia desleiau !
Fin finala, l’òme mei urós que deu estar lo primièr ministre que lo son ròtle es de gavidar la politica de la nacion – en principi ! Com Nicolas Ièr ac hè tot, F. Fillon que pòt contunhar las soas vacanças un còp tornat a Matignon e ne son pas las quauques intervistas a ua ràdio o a un jornau qui’u prenen tota la jornada. Los ministres qu’an recebut consignas tà har estalvis e la promessa electorau de demingar lo nombre de foncionaris serà tenguda, ça disen… Estalvis tà estalvis, Nicolas Ièr que poiré suprimir los pòstes de primièr ministre e de quauques autes com es eth qui hè lo trabalh… Mès vertat es que son pas foncionaris !

Andriu de Gavaudan
Editoriau de La Setmana n°627

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca