Overblog Suivre ce blog
Editer l'article Administration Créer mon blog
16 septembre 2007 7 16 /09 /septembre /2007 00:08
Omnisciéncia e coneissença !

Aurà calgut esperar la dintrada – escolara – per que ministres e ministressas s’exprimèssen al mens un pauc ; fins ara, avèm pas entendut que Nicolas Ièr parlar de tot e de res e subretot balhar son punt de vista sus tot ! De segur, sos «  calams » son pas estats al caumatge e, coneguda causa siá « urbi et orbi », nòstre president sap tot, coneis tot e un sol li poiriá far rampèl se gausèsse : lo qu’a pintrat las mongetas ! Mas i a longtemps qu’aqueste s’entreva pas mai de la vanitat dels òmes e mai se comportèsson coma de parvenguts !
Alavetz, avèm de qué èsser susprés d’entendre lo ministre de l’Educacion, Xavier Darcos, balhar son vejaire – coma un grand – sus l’avenidor de la maison que baileja e, subretot, sus l’avenidor del bachilièrat que deu, segon el, èsser reequilibrat… Lo ministre es pas un piòt e coneis son domeni estant que foguèt dins un vida anteriora (!) professor de letras ; a pas jamai, me sembla, escopit sus un mestièr que ne coneis las dificultats e son apròcha, tot en seguint las directivas de Nicolas Ièr, deuriá n’èsser mai umana al contra de mantuns de sos predecessors. la tòca serà pas aisida e li caldrà comptar amb la psicorigidat de qualques sindicats que, a còps, confondon corporatisme e defensa del mestièr…
E ieu que soi pas totjorn estat tendre amb los ensenhaires, agèri l’autre ièr una revelacion en escotant la ràdio nacionala. Me trachèri que lo jornalista, en carga del programa de la matinada – 7 h - 10 h – fasiá cada jorn pas que tres oras d’antena, amb sos collaborators naturalament, del diluns al divendres ; en bon matematician, arribèri a quinze oras (lo temps d’ensenhament setmanièr d’un professor agregat , los autres titularis faguent 18 h).
Rasona que rasonaràs, me diguèri qu’aviái pas jamai entendut degun se plànger que los jornalistas foguèsson tròp pagats pel temps que passavan davant lo micro per nos assabentar sus l’anar del monde.
Rasona encara… Aquelas quinze oras setmanièras – las qu’escotam – son pas que la part vesedoira de l’iceberg. Lo jornalista se pòt pas permetre d’arribar a son trabalh las mans a las pòchas e, per nos assabentar, passa fòrça temps per s’entresenhar sus sos invitats e l’anar del moment, etc. çò qu’es la causa mendra que  deu far !
Los ensenhaires serián omniscients per qué lor bastèsson las dètz e uèit oras en fàcias dels escolans ? Un pauc curiós, trobetz pas !

Andriu de Gavaudan
publicat dins Le Petit Bleu
dimenge 16 de sseteme de 2007

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca