Overblog Suivre ce blog
Editer l'article Administration Créer mon blog
26 septembre 2007 3 26 /09 /septembre /2007 00:43
Lo rei e los muts…

Nicolas Ièr quita pas de dire qu’es estat elegit per Far e donc… fa ! Desempuèi son eleccion, i a pas un domeni qu’aja pas investit d’una faiçon o d’una autra. E lo fach de dire qu’un còp elegit, es pas mai lo líder d’un grop en particular mas lo de totes los Franceses, rescontra l’adesion d’una part non negligibla dels ciutadans ; d’aver nomenat personalitats de l’Esquèrra a de pòstes d’importància a renduda aquela Esquèrra muda o, al mens, incapabla d’organizar una replica. E, la setmana passada, dins son operacion de « servici après venda » – coma o dison los especialistas – de son programa, faguèt pas cap de mistèris sus son intencion de contunhar a practicar lo « destornament » d’autras personalitats emblematicas… que, tres meses a, refusèron mas que son prèstas ara a passar lo Rubicon tot en demorant… d’esquèrra ! Fins ara, amics o enemics, degun a pas pogut li trobar la copa !
L’esquèrra « de govèrn » (?) pr’aquò es tròp ocupada per la dintrada literària per poder trobar de temps a far de politica. Après Melenchon, Lienemann, Allègre e d’autres, Jospin lo modèst, lo « retirat de la politica » sortís un livre que lo títol sol n’es una profession de fe : L’impasse. Sus un seissantenat de paginas consacradas al pregadieu, la verge de Melle, la madòna… nos explica lo cossí del perqué ; « Tirar camin dins una carrièra bòrnhia, es anar drech dins lo mur. tornar als fondamentals, es la promessa de ne sortir ». Es clar que pensa que Ségolène èra pas facha pel job e que la causida dels militants auriá pas pogut èsser mai marrida. Lo legeire pòt pensar que, l’aguèsson adobat a el… Pel còp que ven, de segur, avant la causida, metràn en plaça un tèst ADN per saber se los candidats son compatibles amb la vertadièra doxa socialista.

Andriu de Gavaudan
Editorial de La Setmana n°630

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca