Overblog Suivre ce blog
Editer l'article Administration Créer mon blog
19 février 2008 2 19 /02 /février /2008 00:14
Gurus e spin doctors…

Las eleccions municipaus, tà Nicolas Ièr, que devèvan aver un reclam nacionau avant que cambièsse d’idea après, probable, aver recebut los rapòrts deus rensenhaments generaus e las recriminacions deus sons amics de l’UMP qui, dens las piadas de l’eleccion presidenciau, e podèvan pensar que la lor eleccion o reeleccion ne seré pas sonque ua passejada ! Vertat es que, dab Nicolas Ièr, ne son pas a la nòça. E plan avant la palhassada de Neuilly-sur-Seine, los qu’avèvan sentit lo vent qu’an bastit la lor campanha suus lors meritis personaus en precisar totun au baish de la pagina que hasèvan partida de la majoritat presidenciau. Coratjós de segur, audaciós, que non pas ! Nicolas Ièr qu’es un adèpte deus eslogans qui se pòden enténer o véder dens los supermercats : « En çò nòste, que i a totjorn quaucom de navèth ! »  Que ns’avèva dejà estomagat dab la letra de Guy Moquet ; ara que se i torna dab la soa volontat de har que cada drollet de CM2 adòpte, a la dintrada de seteme de 2008, un dròlle jodiu victima de la Shoah. Las reaccions ne mancan pas que sian per o contra e F. Hollande qui, dens un prumèr temps, avèva aplaudit, a lèu lèu cambiat idèa e demandat la creacion d’ua comission. Doman, que serà quaucom mei… pr’amor, se Mitterrand e consultava las devinairas, Nicolas Ièr a los sons gurus o spin doctors – qui an totjorn ua idea d’avança, ça disen. Que nse cau saludar l’engèni d’aqueth president qui, desempuish qu’es estat elegit, a capitat de ne pas deishar ua segonda a l’oposicion oficiau tà qu’organizèsse un semblant d’estrategia, empedegada qu’es enqüèra dens la soa guèrra intèrna tà saber qui serà lo líder. « Que nse cau n’acabar dab 1968 » qu’avèva dit… Que deuré poder  comptar sus l’inanitat de l’oposicion !

Editoriau de La Setmana, n°651

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca