Overblog Suivre ce blog
Editer l'article Administration Créer mon blog
19 février 2008 2 19 /02 /février /2008 21:44

Es pas qu’aimi pas escriure mas soi pas coratjós ; m’èri promés pr’aquò d’ensajar de tenir una mena  de jornal per parlar de la vida vidanta… E soi cada jorn un pauc mai en admiracion devant totes aqueles que prenon lo temps de « far » qualques regas cada jorn.

 

Son pas los eveniments que mancan, çaquelà.

 

A començar per nóstre president tant aimat que nada dins lo bonur amb sa Carlita (es aital que l’apèla, pareis). Me demandi s’es per nos impressionar o per mostrar qu’a un pauc mai de cinquanta ans, a encara d’energia mas li cal trobar quicòm de novèl cada matin… Sabi plan que sos conselhièrs trabalhan sens relambi per li balhar d’idèas ; malurosament, farián melhor de se’n tenir als « classics » coma dison !

 

Veiram ben a las municipalas çò que ne virarà ! De tot biais, quitament se l’esquèrra ganha mantunas vilas grandas o petitas, cambiarà pas res a la politica nacionala estant que l’avèm per cinc ans… al mens. Los socialistas ne son encara a voler pas un cap que despassa e podèm èsser segurs que la gueguèrra que coneissèm dempuèi un brave briu ara contunharà.

 

A l’estrangièr, l’independéncia de Cossòvo risca de crear mai de problèmas que de’n resòlvre ; de segur, l’independéncia se pòt compréner que, de tot biais, après çò que visquèron i a qualques annadas auriá benlèu calut trop de temps per una reconciliacion.

 

Empacha que Euròpa joga un jòc pietadós ; i tornarai…

 

Pel moment, ne disi pas mai que doman, de d’òra, me’n vau pas una passejada en Índia e se soi pas tròp fenhant, ensajarai de vos tenir al fial de mas aventuras

 

A lèu…

Partager cet article

Repost 0
Andriu de Gavaudan - dans Vida vidanta
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca