Overblog Suivre ce blog
Editer l'article Administration Créer mon blog
19 mai 2008 1 19 /05 /mai /2008 23:29
D’una catastròfa l’autra…

Se parla pas mai del trebolèri causat a Londres e a París per la flama olimpica… Empacha pas que China demòra dins l'actualitat amb lo tèrratrem dins la província montanhosa de Sichuan – centre-oèst de China – un detzenat de jorns a ; e lo bilanç provisòri es a la dimension del país : mai de setanta mila mòrts, desapareguts o sepelits, mai de dos cents mila nafrats e a l’entorn de cinc milions de personas sens abric. Aquela catastròfa a pas fach desaparéisser de l’actualitat pr’aquò la devastacion provacada pel ciclòne Nargis en Myanmar (Birmania) susvengut i a un pauc mai de quinze jorns e qu’auriá fach mai de cent trenta mila victimas… Dama Natura fa pas de politica e, que siá una democracia modèla, populara o sacamanda, quand truca truca ! Daissa als òmes lo suènh de reparar los degalhs. China, pel primièr còp, crenta pas d’acceptar l’ajuda de païses estrangièrs e, doblidant – pel moment ! – l’afront fach al pòble chinés a prepaus dels Jòcs olimpics, accepta la de França tanben. Myanmar, au contrari, a refusat fins ara tota ajuda d’importància per los dos milions de rescapats. Lo cap de la junta militara se desplacèt aqueste diuns per constatar çò que n’èra de la situacion mai de quinze jorns après lo ciclòne e lo ministre dels Afars estrangièrs birman demandèt una amassada de l’Asean (païses asiatics) per veire cossí organizar l’ajuda ! Mentretant, lo Mistral, amb sa cargason umanitària, espèra una ipotetica autorizacion als limits de las aigas territorialas. E, pel moment, lo drech d’ingeréncia formulat – un còp èra – per B. Kouchner se resumís a l’acusacion de « crimis contra l’umanitat » de la junta birmana de la part de nòstre ministre dels Afars estrangièrs.
En cò nòstre, los líders ego-socialistas tornan jogar al mai córrer ! A cadun sa catastròfa !

Editorial de La Setmana n°664

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca