Overblog Suivre ce blog
Editer l'article Administration Créer mon blog
26 mai 2008 1 26 /05 /mai /2008 23:33
E coneishetz a Pirrus…

Qu’am ganhat ! Qu’am ganhat ! Diu vivant ! N’èm pas un ser d’eleccions e totun… Los messatges sus la tela que son nombrós après l’adopcion, per l’Assemblée nationale, a la quasi-unanimitat – Ò suspresa divenca ! –, d’un emendament suspresa au projècte de lei sus la reforma de las institucions tà inscríver la reconeishença de las lengas regionaus dens la Constitucion. La coëréncia governamentau qu’estó demostrada un còp de mei : Na Rachida Dati que’s declarè favorabla a aqueth emendament mentre que Na Christine Albanel qu’avèva declarat que n’èra pas question de modificar l’article 2. Per un còp, los mèdia que ne’n parlèn e Le Figaro, per exemple, qu’organizè de tira un sondatge que i participèn 10936 personas e  qui balhè 52,73% per aquesta reconeishença e 47,26% contra ; mantuas personas que deishèn tanben comentaris plan instructius. Sens tombar dens lo melodrama qu’an affeccionat uns deputats, la causa positiva d’aqueth vòte es qu’un tabó es estat levat e que, d’ara enlà, ne serà pas mei possible de ne n’enténer pas sonque las asoadas deus uns sens escotar au mens los arguments deus autes, en esperar que los mèdias ne'n rendan compte. Sens voler jogar lo trebola-hèsta, qu’èi com l’impression qu’aquesta « victòria » ne serà pas sonque ua victòria a la Pirrus e que los vents contaris e’s van descadenar… al nom de l’unicitat de la Nacion, deu víver-ensemble e de l’especificitat de la Nacion e, naturaument, de la defensa de la nòste lenga e de la nòsta cultura francesas, miaçadas que son per l’anglo-estatsunidenc de tots los dangèrs ! Mes qu’aurem tòrt totun de díser que n’an pas nada dubèrtura d’esperit : acceptan que lo representant de França au concors Eurovision de la cançon e cante en anglés !
 
Editoriau de La Setmana, n°665

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca