Overblog Suivre ce blog
Editer l'article Administration Créer mon blog
10 juin 2008 2 10 /06 /juin /2008 15:54
Libes e… economia

Qu’ac torni díser un còp de mei… En causa de l’activisme de Nicolas Ièr, tots los elegits – deputats e senators – que’s planhen d’estar subercargats de trabalh e de ne pósquer pas estudiar los tèxtes sosmés au vòte per lo governament… Tots ? Non pas cèrtas! Que n’i a que son au horn e au molin e que, tà’s har conéisher, despausan esmendaments de tota mena en esperar trobar un reclam dens lo microcòsme politic e benlèu enlòc mei. En Jean Dionis du Séjour – deputat d’Òut e Garona, prumèr magistrat d’Agen, president de la Comunautat d’aglomeracion… – qu’aparten a la categoria deus workaholics en politica. Que sostengó F. Bayrou avant de s’anar, un còp elegit deputat, ganhar la civada dins lo Nouveau Centre dab los autres sostens fidèus (!) deu Bearnés qui refusè de passar devath las horcas caudinas de Nicolas Ièr. Que’s hasó conéisher subertot a prepaus de la LEN (lei sus l’economia numerica) que n’èra lo raportaire. E recentament, dens lo quadre de la lei sus la modernizacion de l’economia, que ven de partir en guèrra contra la « loi Lang » (10 d’aost de 1981) suu prètz de venta deus libes qui ne permet pas deus véner a bon compte avant duas annadas. Lo son objectiu, ça ditz, qu’es de lutar contra lo « gaspi » que representaré la mesa au pilon de milions de libes invenuts qui demòran sus las estatgèras deus libraris. Que demanda la possibilitat de véner los libes a un prètz hèra baish sheis mes après la lor parucion ; atau que seré l’escadença de trobar legidors navèths e de sauvar las sèuvas çò qui haré plaser aus ecologistas ; e que serà de segur – com lo hèit d’aver un supermercat dens cada vilatge – lo consomator que ne serà lo beneficiari ! E deman, lo nòste deputat que prenerà la defensa deu comèrci de proximitat…

Editoriau de La Setmana, n°667

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca