Overblog Suivre ce blog
Editer l'article Administration Créer mon blog
21 juillet 2008 1 21 /07 /juillet /2008 19:24
Manòbras presidencialas

Al moment que legiretz aquelas regas, saurem lo resultat de las manòbras eliseanas a prepaus de la modificacion de la Constitution française. La tactica de Nicolas Ièr – qu’a capitada fins ara – es de daissar pas polsar ni sa majoritat ni l’oposicion ; e son pas las qualques voses discordantas que venon trebolar lo jòc. Desempuèi la fondacion de la Vna Republica, la Constitution es estada modificada mantuns còps e quitament se, pels Occitans que sèm, l’annada 1992 foguèt a marcar d’una pèira negra, aquelas modificacions èran pas qu’a dòsis omeopaticas. Aqueste còp pr’aquò, l’entrepresa es autra pr’amor que mai d’un tèrç dels articles de la Constitution an tornats èsser escriches. Se seriá pogut comprendre que deputats e senators aguèsson volgut un pauc de temps per estudiar aquela reforma d’a fons e ne debatre abans de s’amassar en congrès per la decision finala. Ailàs ! la majoritat, menada per J.-F. Copé, impausèt sa vision sens jamai acceptar de l’oposicion – dividida çaquelà e sens tròp de nhac – un emendament important ; foguèron atal abandonats sus la « rasa lana » l’accumulacion dels mandats e autras besucarietas utilas al desvolopament de la vida politica. Tal com es, lo clientelisme, que siá presidencial o pas, contunharà de florir e prosperar.
Me diretz que cal veire lo veire a mitat plen e que nòstras lengas istoricas – « régionales » çò dison – e qualques autras son reconegudas coma part del « patrimòni de França ». J. Chirac, a l’epòca primièr ministre, aviá dejà dich qu’èran « coma los monuments istorics e [que] las nos [caliá] protegir » (sic). Los mai vièlhs se sovenon benlèu de la « reparacion istorica » de Mitterrand ; levat lo fach que se’n parlèt dins l’emicicle, crenti fòrt que serem colhonats un còp de mai !

Editorial de La Setmana, n°673

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca