Overblog Suivre ce blog
Editer l'article Administration Créer mon blog
28 juillet 2008 1 28 /07 /juillet /2008 09:58
Cadun sas crompas !…

« Arren non se ven mas tot que’s crompa, l’aunor e la santetat tanben », que cantava dejà Jacques Brel… La corrupcion n’es pas ua causa navèra mas que sembla d’estar venguda quaucom de normau dens las relacions qu’entertenguen los « òmes de poder » e los « òmes al poder ». Dens lo domeni civiu, l’afar de l’IUMM (Union de las industrias e deus mestièrs de la metallurgia) qu’es « exemplar » ; Lo son èx-patron Denis Gautier-Sauvagnac qu’es mes en examen – mès n’es pas estat embarrat – pr’amor que la justícia e aimeré de saber a qué an servit los 21 344 691 euros prelevats suus « comptes especiaus » enter 2000 e 2007. Fins ara, l’omerta qu’es estada guaireben complèta de la part deus responsables ancians e En Gautier-Sauvagnac ne denega pas d’aver hèit profitar un sarròt de monde de las liberalitats de l’IUMM. Qu’a gausat declarar pr’aquò au jutge encargat de l’enquèsta : « Aqueths versaments que son estats fachs a de personas hèra aunorablas, ligadas a d’organizacions que hèn partida de la nòsta vita sociau, e ne pensi pas, vertadèrament, que sia de l’interès generau de procedir a un desbalatge complèt ». Aparentament, que’n profitavan – e que comencè plan abans l’an 2000 – partits e òmes politics, sindicats, enfin tota persona qu’acceptava – ça digó D. G.-S. – de « méter de fluiditat dens las relacions sociaus ».
Dens lo domeni politic, Nicolas Ièr – e los son amics – qu’a sabut hèra plan har promessas aus elegits o los miaçar tà que votèssen la reforma constitucionau e que s’i es escadut ! A esquèrra, que disen que Jack Lang votè la reforma contra la promessa d’obténer la carga de « defenseur des droits » – creat per la reforma – inamovible pendent sheis annadas e plan pagat !  Wait and see ! Qu’atz dit « republica bananièra » ?

Editoriau de La Setmana, n°674

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca