Overblog Suivre ce blog
Editer l'article Administration Créer mon blog
12 août 2008 2 12 /08 /août /2008 11:24
Que-i-vau-n’i-vau-pas !

Un deus eròis de l’Orlando furioso de L’Ariosto, Rodomonte, qu’es passat a la posteritat tà designar un fanfaron, un ventabren, etc. E se ne credèm ua sinològa egrègia, qu’es lo chafre que s’a ganhat lo nòste president au prèp deus Chinés qui l’apèran : que-i-vau-n’i-vau-pas ! A maugrat de la propaganda, que s’an guardat lo sens de l’umor e pro de sens comun tà jutjar Nicolas Ièr. Los Francés qu’an podut constatar que, desempuish la soa eleccion, hè deu rodomonte a cada còp que pren la paraula e subertot dens las soas conferéncias premsa : « Qu’èi decidit de… », « los Francés que m’an elegit tà… », « ua petita nacion [Irlanda] ne pòt pas… » etc. Se, au començament, lo monde qu’èran agradivament (sic) susprés, ara n’i a pas que los sons amics tà créder – o har semblant de créder – çò que ditz e çò qu’anóncia… A  nòste, « l’oposicion de governament » socialista que passa lo son temps a’s pelejar e a har declaracions ninòias quan cadré qu’amuishèssen que l’avenidor de França e’us interèssa ! Que son donc los deu dehòra qui an ua vista mei bona deu nòste president, un còp bling-bling, un còp revisitat per Carlita, un còp… Los sons spin-doctors qu’an mancat la soa comunicacion e, desempuish la sembla-passejada de la hlama olimpica per carrièras a París, Nicolas Ièr qu’a totjorn hèit un pas en avant e dus en arrèr. N’angueré pas a la ceremonia de dubertura deus Jòcs olimpics sonque se los Chinés e hasèvan esfòrçs cap aus Tibetans e taus drets de l’Òme. Que i es anat a maugrat deu refús deus Chinés ! N’èra pas a China de decidir se devèva rescontrar au dalai-lama o pas ; l’ambaishador chinés que hasó las ussas e que serà la soa Carlita – es qualitat ? – qui'u rescontrarà. Las rodomontadas deu nòste president ne hèn pas servici a França !

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca