Overblog Suivre ce blog
Editer l'article Administration Créer mon blog
24 février 2009 2 24 /02 /février /2009 12:02
Colonias un jorn…

Lo nòste president que ns’avèva abituat a reaccions rapidas e los sons ministres qu’ac saben que son mautractats en privat, se ne’n credem las gasetas lengassudas, e quitament en public. Que li aurà calut, totun, un pauc mei de quate setmanas tà prononciar lo mot : « Guadalope » ! Vertat es que Y. Jego, secretari d’Estat taus departaments d’otramar, a hèit lo desplaçament au cap d’ua quinzenada ; la ministressa deus Afars intèrnes qu’estó tanben mei batalaira a prepaus deus « terroristas » de l’ultra-esquèrra (dinc adara un fracàs) que de la situacion otramar. La sola responsa vededera, peu moment, que son las ajudas en CRS e polícia enviadas tà restablir e manténer l’ordi republican. N’a pas empachat totun qu’un sindicalista estosse tuat per bala. Tornat deu son viatge en l’Orient Mejan, Nicolas Ièr que recebó donc, la setmana passada, los elegits de Guadalope entà har lo punt sus ua situacion que cor la risca, cada jorn un pauc mei, de’s degalhar e de vénguer explosiva se, per cas, lo LKP (un regropament de sindicats e de partits politics) ne’n perdèva lo contraròtle. Ni las mesuras anonciadas ni lo discors que hasó en seguir sus France Ô, ne semblan pas aver convençut los Guadalopencs. Tà ua majoritat de metropolitans, los departaments d’otramar ne son pas sonque ua destinacion ensorelhada de las plajas beròjas ; e, com son en vacanças, ne repotègan pas tròp contra la vita vitanta mei cara que’n « França ». Periodicament, eveniments com los de l’òra d’ara que’nse venguen brembar de la situacion quasi coloniau d’aqueras isclas e de la centralizacion excessiva de l’Estat ; puèi passam a quaucom mei… Lo nòste president qu’a promés de’us anar visitar un còp que la situacion e serà esclarida… mès las gents n’auràn pas cambiat !

Editoriau de La Setmana, n°703

Partager cet article

Repost 0
Andriu de Gavaudan - dans Anar del mond
commenter cet article

commentaires

Joan.Peiroton 27/02/2009 10:11

Que sembla anacronic lo hèit d'èster enqüèra present en aquera partida de las Americas, mès non soi pas segur que los Antilhés ajan tròp enveja de seguir "l'exemple" haitian... Mès lo destin haitian n'ei pas tanpauc ua fatalitat...

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca