Overblog Suivre ce blog
Editer l'article Administration Créer mon blog
15 juin 2009 1 15 /06 /juin /2009 16:26
Un qu’arritz, l’aute que plora…

Dens l’eleccion europèa que venguem de víver, lo partit mei gran qu’es lo deus abstencionistas. E se calculem per rapòrt au nombre deus inscriuts sus las listas electoraus – e non pas suu nombre deus votants –, que nse cau dividir guaireben per tres lo percentatge obtengut peus partits. Las chifras que parlan soletas e, dens aqueste cas, lo partit deu president que’s pòt glorificar de 12 %, lo PS e los Verds de 6,4 % cadun e lo MoDem deu Bearnés d’un petit 3,4 % e ne vòli pas har patir los autes ! Suu fenestron, n’empachè pas pr’aquò los tenòrs de l’UMP de’s regaudir deus lors 30 % qui pòrtavan la pròva de l’estacament deus Francés a las reformas miadas desempuish l’eleccion de Nicolas Ièr que degun ne pòt pas acusar d’estar un « despòta absolut ». Curiosament, los « elefants » deu PS, totjorn lèsts a muishar lo lor cocura, qu’èran tots encuentats e sols los segonds cotèths e lo « qüadràs », la trena baisha, que parlèn de « renovacion » e de « democracia participativa » sens gausar anar dinc a la bravitude (sic). Euròpa ? D. Cohn-Bendit qu’estó lo sol deus invitats a ne parlar vertadèrament sens ocultar los problèmas a vénguer. E lo son estrambòrd que hasèva plaser de véder au mitan deus nòstes politicians exagonaus : un que cantava la clarvedença de Nicolas Ièr, lo sol capable de mestrejar la « crisi » e lo prumèr a prénguer en compte los problèmas  ecologicas e sociaus, l’aute que balhava rendetz-vos tà l’eleccion presidénciau e l’aute enqüèra que n’aperava au matin deu gran ser ! E serén donc tròp mediòcres tot aqueth monde tà n’envisatjar pas sonque un avenidor exagonau ? Euròpa ne seré pas digna de la lor ambion ? Los dus. E los Francés ne son pas sonque ua variabla d’ajustament e Euròpa un espaurugalh tà justificar l’excepcion francesa…

Editoriau de La Setmana, n°719

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca