Overblog Suivre ce blog
Editer l'article Administration Créer mon blog
23 juin 2009 2 23 /06 /juin /2009 19:28
Al reialme dels avugles…

A cada còp que fa una intervencion, es a dire gaireben cada jorn, nòstre president tant aimat ten de propausses fòrts e senats, o cal reconéisser ! Un jorn denóncia l’innocent qu’a botat La Princesse de Clèves al programa d’un concors administratiu ; un autre, blaima los cercaires que tròban pas jamai ; un autre encara, afirma qu’Euròpa s’amerita un líder d’excepcion per susmontar la Crisi. Nicolas Ièr sap que pòt comptar sus son armada de « negres » per paréisser assabentat autant sus l’electricitat nucleara coma sus la sodomizacion dels coleoptèrs. Sap tanben que pòt comptar suls micros e sus las cameras d’una premsa audiovisuala jos dependéncia e qu’a pas res a li refusar. Sa posicion – ministre e ara president – li balha la possibilitat de o nos far a l’esbrofa e sos pòrta-espaldas e lausengièrs an capitat de far creire a son eficacitat e a sa « politica de rompedura » quitament se, lo mai sovent, fa pas que batre l’aiga amb un baston. Amb la modificacion de la constitucion, pel primièr còp dempuèi M. Thiers de sinistra memòria, un president s’es balhat la possibilitat d’intervenir devant deputats e senators, acampats en Congrès a Versailles, que li poiràn pas respondre. Vertat es que presa pas la contradiccion quand ven dels autres ! Los socialistas – e l’esquèrra en general – denóncian amb rason una deriva institucionala o « monarquica ». Mas, desempuèi l’abandon, en 2002, de tota foncion politica de l’austèr que s’escacalassa, lo Partit socialista a pas fach d’aggiornamento e s’es embarrat dins de luchas fratricidas, luchas que son pas prèstas de s’acabar en despièch del fracàs de l’eleccion europèa. Los que son pressats d’obtene un marroquin serián plan avisats de far d’ofèrtas de servici a  nòstre president tant aimat !

Editorial de La Stmana, n°720

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca