Overblog Suivre ce blog
Editer l'article Administration Créer mon blog
31 août 2010 2 31 /08 /août /2010 09:49

A cadun sa dintrada  

A la fin del mes d’agost, tòrna l’homopoliticus qu’èra anat far del bronzacuol en familha de segur mas sens oblidar de far seguir naturalament los dorsièrs importants e sobretot lo telefonet professional que li permet d’èsser « reactiu » se n’es de besonh.

Nicolas Ièr a convocat en son castèl de Bregançon los ministres mai importants per finalizar las darrièras mesuras abans lo conselh de ministres de dintrada. Lo microcosme politic fa sas universitats d’estiu e los líders jogan al mai maurèl de pèl e comparan las idèas novas qu’an trobadas al contacte de la « França pregonda » dins Luberon o autres luòcs presats per nòstres elèits. Comèdia de l’amistat entre fraires enemics.

Son nombrosas pr’aquò las gents « ordinàrias » que devon trobar de temps per preparar la dintrada dels dròlles. Anam aver un periòde de reportatges de tota mena a la ràdio o sul fenestron.

Lo ministre en carga d’una educacion de mens en mens nacionala anirà far lo bèl dins una escòla « ordinària ! » devant de drollets tot contents de veire una tropelada de jornalistas « coma a la tele » e de regents que sabon « çò que sabon ! » ; e farà çò que fa un ministre de l’Educacion cada annada. Nos dirà que, gràcia a son accion e a l’accion del president de la Republica, se l’an d’abans èram al bòrd del precipici, ongan, gràcia a un esfòrç important e ciblat, maldespièch las dificultats economicas que coneissèm, avèm fach un saut important en abans.  

De segur, es pas al corrent lo ministre que, dins un recanton d’Òut e Garona [Pena d'Agenés], de drollets pòdon pas contunhar de seguir un ensenhament bilingüe occitan-francés que lor èra estat promés per l’Educacion nacionala quand l’avián començat. Vertat es que, coma dins las armadas, i a totjorn qualques pèrdias !

 

Editorial de La Setmana, n°780

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca