Overblog Suivre ce blog
Editer l'article Administration Créer mon blog
11 mai 2013 6 11 /05 /mai /2013 15:42

  Arrosaire arrosat ?

 

Vòli pas dire mas, a còps, val mai ne rire que plorar !

De qué ? De la garrolha nascuda a propaus de la decision de la ministra de l’Ensenhament superior ; decision que concernís l’ensenhament de diferentas matèrias dins una lenga estrangièra a l’universitat.

O auretz totes comprés, lo tèrme « lenga estrangièra » es aquí per espaurugar pas lo bon pòble ; en fach, s’agís pas que de l’ensenhament en anglés, la lenga de nòstres elèits quitament se son pauques a lo mestrejar.

La rason, coma totjorn, es una sembla-bona rason : França es un « grand país » qu’a vocacion a recebre un fum d’estudiants estrangièrs al nom de la francofonia (sic), se vòl acréisser o, al mens, conservar son influéncia.

E l’ensenhament en anglés dins las universitats es un mejan per atirar de monde que parlan pas francés mas que l’anglés lor es mai conegut. E per refutar a priori los arguments dels opausants a la mesura, la responsa es tota trobada. Pendent lor demorança dins nòstre bèl país, los estudiants auràn l’escasença d’aprene la lenga de Molière o, perque pas, la de « las banlègas » o benlèu la de la França prigonda del moment que demoraràn en França ! Argument imparable, çò pensan…

Personalament, pensi que nòstra ministra e sos aligats s’enganan de primièra. Aqueles estudiants que coneisson al mens un pauc d’anglés o que son ja anglofònes son pas de monde « desfavorizats » que van anar aumentar l’immigracion de basa.

De segur, un cursus en anglés en França serà una faiçon de los atraire. E que faràn tot aquel monde dins la villa universitària qu’auràn elegida ? Tanlèu tornats dins la carrièra, se mesclaràn als Franceses de tota mena per aprene a parlar francés ? Cal pas somiar ! Seriá dins lo campèstre, òc mas en vila la tendéncia fòrta es de tornar trobar – e es normal – las gents amb las qualas se pòt aisidament escambiar, donc de personas que parlan l’anglés.

La lenga francesa relegada al segond reng o pièger. L’arrosaire arrosat…

De qu’an fach a las lengas istoricas de cò nòstre ?

 

Cronica occitana

Le Petit Bleu de Lot-et-Garonne

Dimenge, lo 12 de mai de 2013

 

Partager cet article

Repost 0
Andriu de Gavaudan - dans Anar del mond
commenter cet article

commentaires

Joan-Ives G. 12/05/2013 23:55


Pr'amor d'aver frequentat un hum d'aquestes estudiants e estagiaris anglofònes, be pòdi díser que la màger part e se'n dan deu francés autant coma deu moldovalac, e que'n van amassas shens
mesclà's dab lo monde sonque excepcionauments.


E perqué lo diable e volerén viéner estudiar en anglés en França ? Avetz ausitz un pròf franchimand a sajar de parlar anglés ? Com ac ditz lo cronicaire, que va miélher de n'arríder…


Mes lo cabens de tot aquò qu'ei, que vedem a arribar çò qui èra de prevéder : un còp acabat o quasi de massacrar totas las lengas de l'exagòne (e tanben uas mei delà las mars), la langue de
Molière que torna lo petapom de cap a si-medisha e que's hè petar lo topin. Que herà un beròi títol suu jornau deu campus : Mass Murderer Turns Gun to Himself…

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca