Overblog Suivre ce blog
Editer l'article Administration Créer mon blog
20 décembre 2010 1 20 /12 /décembre /2010 12:19

Maurici Romieu, ajudat d'Andrieu Bianchi e de Loís Gaubèrt, es per publicar un Diccionari d'expressions e locucions occitanas. Ne i a gaireben sièis mila… una part pichona de nòstre patrimòni lingüistic…

 

Cf. Podètz legir las rubricas precedentas (1… 13) que vos balhan un avantgost de çò que serà lo Diccionari d'expressions e locucions occcitanas.

 


BLAT n. m. 

Mena de cereala que son gran servís per far de farina.

 

◊ Blond | Daurat coma lo blat (madur) « fòrça blond o blond clar ».

Èran maridats dempuèi mai de dètz ans quand lor nasquèt enfin un drollet blond coma lo blat e qu’aviá los uèlhs blaus coma lo pepin vièlh.

Caliá pas far veire cossí aquel òme li agradava. Ò ! cossí li agradava, aquel jove, naut, linge, las mostachas e los pials blonds coma lo blat madur.

P. Gayraud, Lou libre del causse.

Lo participi passat daurat emplegat coma adjectiu marca la color, una color que fa pensar a la de l’aur.

Aquesta locucion comparativa intensiva s’aplica generalament a una persona o, pus precisament, a un element del còrs : lo pel, la mostacha, la barba. L’adjectiu madurpòt completar lo nom blat : es una mena d’insisténcia. Sens cap de diferéncia de sens, l’element de comparason se pòt trobar al plural : coma los blats.E mai l’adjectiu madur siá pas totjorn exprimit, lo blat pres coma referéncia es lo blat madur per çò qu’a una color jauna o daurada.

 


◊ Aver de blat dins l’arca « èsser pro­vesit largament de tot çò que cal per viure ; èsser ric ».

Es la bòria mai bèla del país ; s’es agrandida, generacion après generacion ; sabes, an de blat dins l’arca ; e mai i aja un jorn una baissa de las subvencions europèas per l’agricultura, patiràn pas la misèria.

L’arca es lo còfre bèl de fust ont se garda lo blat o la farina a l’abric del ratum. Aquesta locucion s’emplega per una persona.

Metaforicament, lo blat, cereala utilizada per far de pan de qualitat (de pan blanc), representava l’aise material per çò que totas las gents podián pas far de pan amb de farina de blat. Lo blat veniá pas sus las tèrras pauras, a la diferéncia del segal. Amb l’evocacion de l’arca (que permetiá de far una resèrva), la locucion implica la nocion de prevesença e donc de bona gestion d’un patrimòni quin que siá.

 

Partager cet article

Repost 0
Andriu de Gavaudan - dans Lenga
commenter cet article

commentaires

Mela la magnifica 20/12/2010 13:10



E kora sortís?



Andriu de Gavaudan 20/12/2010 15:56



Aquò ne depend pa sonque de l'editor qu'espèra qualques subvencions tà se lançar… E pensas que l'autor e los sons adjutòris qu'an trabalhat pendent guaireben sheis ans aimerén wue sortiscosse lo
mei rapidament possible !



Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca