Overblog Suivre ce blog
Editer l'article Administration Créer mon blog
5 juillet 2011 2 05 /07 /juillet /2011 00:38

Episòdi navèth : lo retorn…

 

D’aubuns que poirén pensar que la fin deu monde s’apressa tant los eveniments d’importància – au mens la que’us balham – e semblan se succedir de mei en mei viste. Que començavam de ns’installar dens l’estiu oficial : la temperatura qu’èra de sason, Bison futat que balhava conselhs suus oraris mei bons tà deishar la capitala e l’especialista de servici que nse senhalava  los dangèrs de « l’autorota de la vacanças ». Quan, patatràs… qu’aprenguem, guaireben en medish temps, la liberacion de Ghesquière e Taponièr, jornalistas detenguts en Afganistan desempuish 547 jorns e la « liberacion » de l’èx-director deu FMI, arrestat lo 15 de mai e acusat d’aver forçat ua serviciala del Sofitel de Nava York. Frenesia jornalistica e… politica. Los legidors-auditors-telespectators que ne’n tornan demandar e que’s congostan de tot aquò. Aqueths dos eveniments que hèn rampèu au prince de Monegue qui a avut la marrida idea de causir aquesta data ende’s maridar damb la sud-Africana Charlene Wittstock. Tot que’s mescla : « prince DSK, maridatge deus ostatges, liberacion d’Albert… » Lo microcòsme politic que’s regaudeish de la liberacion deus jornalistas e mei avossen criticat a l’epòca la lor « imprudéncia » ! Ende DSK, qu’es lo silenci organizat a dreta mès, a l’esquèrra – e especiaument au PS –, qu’es un solatjament ambigú ; de segur, la majoritat que’s regaudeishen de véder la « situacion » d’un amic politic s’esclarir mès totun que son preocupats ende las « primàrias » socialistas. Per còp d’astre, au mitan de tot aqueth rambalh, qu’avem un modèle de preséncia e de retenguda : nat comentari sus DSK, nat discors public en arcuélher los jornalistas liberats e nat clam après la soa agression a Bracs (47) : lo nòste president a vénguer ?

 

Editoriau de La Setmana, n°824

 

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca