Overblog Suivre ce blog
Editer l'article Administration Créer mon blog
21 juin 2010 1 21 /06 /juin /2010 14:49

Escarnis e dentèlas vielhas

Pròva de la vitalitat de la nòsta democracia, cada jorn que nse pòrta un escandal navèth. La decision de Na Boutin d’abandonar, devath la pression mediatica, l’indemnitat confortabla, que’u èra estada autrejada per ua mission de complasença, qu’a forçat los autres sexagenaris deu govèrn a har suspéner lo pagament de la lor pension de parlamentari. Mès un malastre ne’s passeja pas jamei solet ! Rama Yadé, qui critica l’albergament somptuós deus fotbolaires en Africa del Sud, que hè ua reservacion tad era e los sons conselhèrs dens una ostalaria encara mei luxuosa. Alain Joyandet, secretari d’Estat quinquagenari – jà celèbre tau son viatge en avion privat a mei de cent mila euros – que prepara la soa retirada en se servir d’un permés de bastir vielh de trenta sheis ans tà transformar un cabanon provençau en castèth. Christian Blanc – que deu sostenguer l’economia de Cuba – qu’a hèit crompar suus dinèrs publics tau son consum personau per 12000 euros de cigarros en 10 mes. E, last but not least, Éric Woerth e la soa molhèr ne serén pas completament desconeishuts de Na Bettancourt, ua hemna qui n’es pas precisament dens la necèra e qui auré bens e moneda a l’acès deus fisc exagonau. De segur, tot aquò qu’es legau si que non tots los deputats e senators de l’Esquèrra qu’aurén demandat la lor demission ! Dens aquera passa marrida, lo nòste president tant aimat qu’es sostengut objectivament per los fotbolaires en Africa del Sud. Los mèdia ne parlan pas sonque deu fracàs deus Bleus au Mondiau e de l’incoeréncia del management. Lo coach Domenech qu’es com l’ase de la fabla e tots que’u cridan dessús. La devisa navèra que rejonh la de la dreta liberada : « Moneda entà jo, los autes que me’n foti ! » Ailàs, que son los autes que son vergonhós !

 

Editoriau de La Setmana, n°771

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca