Overblog Suivre ce blog
Editer l'article Administration Créer mon blog
22 novembre 2011 2 22 /11 /novembre /2011 14:47

Flux e reflúx…

 

L’eleccion presidenciau ne s’anóncia pas com un long riu tranquille en çò nòste ; e, amb un cèu autan cargat de crums, los arguments que vòlen bas ! La designacion deu campion socialista qu’avèva permés au Partit socialista d’aucupar lo devant de l’empont mediatic pendent quauques setmanas e la causida de F. Hollande resultava subertot deu hèit qu’avèva decidit de la soa candidatura plan temps avant l’afar DSK qui èra « lo candidat naturau » ! La Dreta qui avèva negligit l’impacte d’aqueras « primàrias » que’s trobè, un moment, a l’encòp desprovesida e moqueta fàcia a aquera escaduda. Mès lo camin qu’es enqüèra long e ne cadré pas que Hollande – e mantuns socialistas damb eth –  credosse que l’eleccion estosse ganhada ; e que s’a mostrat un pauc presomptuós benlèu en díser qu’èra « lo president a vénguer ». L’embrolhatge damb los Verds a perpaus deu nuclear que veng de muishar que los « companhs de luta » ne hèn pas mei jurament de vassalhitat. N’es pas segur que F. Hollande aja comprés que ne volèvan pas mei estar ua fòrça de complement. Un qu’a besonh de l’aute e recipròcament ! Aqueras pelejas – oficiaument divergéncias ! – que son « pan senhat » tà la Dreta que hè sonar buccins e trompetas.  F. Copé e los tenors de l’Ump qu’explican a plaser qu’un òme politic incapable de resistir a las exigéncias desmesuradas e mauhasentas suu nuclear ne pòt pas aver la pretencion de gavidar un gran país com França. La caça qu’es obèrta e lo plomb emplegat que serà deu gròs : plomb de singlar de preferéncia. La Dreta que vòu servar lo poder a tot còst e l’Esquèrra ne’u deu pas pèrder se vòu contunhar d’existir. A cadun de meditar benlèu aqueths vèrs dens Lo Cid de Corneille : « Lo flux que nse’us mièt ; lo reflux que’us empòrta ».

 

Editoriau de La Setmana, n°843

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca