Overblog Suivre ce blog
Editer l'article Administration Créer mon blog
11 janvier 2010 1 11 /01 /janvier /2010 11:20

Grandor e decadéncia…

Lo Jospin novèl es arribat ! N’es demorat a l’ora vièlha del septenat mas nos torna amb un « plan com » de primièra : doas oras d’entretens a venir sul fenestron e un libre Lionel raconte Jospin, tirat de la matèria televisada, sens doblidar los passatges dins las emissions de ràdio e de television. L’« austèr que s’escacalassa » fa lo bilanç de sa vida, politica mai que tot, e sembla èsser content d’el ! Nos apren qu’es estat un òme engatjat gaireben dempuèi totjorn e estima que son percors es onorable. Per festejar aquel eveniment, aviá convidat tota la crèma del PS ; se’n son trobats qualques uns de doblidats mas aquò deu èsser en causa dels servicis postals o de las condicions climaticas. Coma un fum d’autres en politica, Lionel lo modèst a totjorn avut una consciéncia nauta de se. Coma d’autres que balhan lor còrs a la sciéncia, Lionel s’es metut al servici de França e auriá quitament fach don de sa persona se se foguèsse pas espatarrat sus la marcha de l’eleccion presidenciala. A agut fòrça contrarietats pr’aquò : Mitterrand e son amistat per Bosquet, Chirac e sa concepcion de la republica, etc. sens doblidar Chevènement que foguèt un element de discòrdi e provoquèt lo fracàs , segon el, de sa « resistibla ascencion ». D’aver abandonat sos amics politics e sos electors al mitan del ga un 22 d’abrial, d’aver agut qualques paraulas duras per lo pregadieu Royal e mantuns autres, tot aquò existís pas mai… La rancura pels autres, l’oblit per el ! La setmana passada pr’aquò, Lionel aguèt la satisfaccion de passar la serada en companhia d’un areopagi de personalitats socialistas que lo badavan, per un còp unidas ! L’UMP a mostrat son unitat tot parièr cap a Philippe Seguin, un òme d’onor, un grand patriòta, un grand Francés… Veniá de passar…

 

Editorial de La Setmana, n°748

Partager cet article

Repost 0
Andriu de Gavaudan - dans Anar del mond
commenter cet article

commentaires

jofre 13/01/2010 08:38


Per un cop trobi ta polemica injusta . Jospin, (soi segur qu'èras al fial) a ajut de bonas relacions amb los occitanistas , a creat lo capes  d'oc, a pas "trempat" e a fach las darrèras
reformas de progrés.


Andriu de Gavaudan 13/01/2010 09:31


La longor de l'editorial m'impausa a còps de daissar de causas de caire.
Soi d'acòrd amb tu per çò que dises. Ai pas dich qu'èra pas estat onèste mas sa psicorigiditat l'a empachat, de mon punt de vista, de voler veire la realitat. Un repròchi grand li poiriá èsser fach
: lo d'aver (amb lo PS de segur) renviat totas las reformas d'importància coma la de las retiradas, facha per Fillon… Malurosament, los Franceses li an fach saber  un 22 d'abril !
Personalament,ai pas jamai aimat son comportament dempuèi qu'a "daissat la vida politica"… e contunha ara ! 


Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca