Overblog Suivre ce blog
Editer l'article Administration Créer mon blog
21 juin 2011 2 21 /06 /juin /2011 15:49

 

 

Ai totjorn aimat far de fotografias ; ara es de numeric mas, long ago, aquò èra d'argentic. E n'ai un molon de molons en black and white, e tanben de las diapositivas.

Las diapositivas èran reservadas als viatges e lo blanc e negre a mas activitats de jornalista « a la linha ». Aital, pagavi pas los films que m'èran balhats pel jornal e ne profechavi per « mitralhar » dins las manifestacions occitanistas…

Lo problèma es qu'adara me calriá numerizar tot aquò… Serai mòrt abans !

Ça que la, un d'aqueles que mitralhèri a l'epòca me telefonèt per me demandar se auriái pas las fotografias (fòtos) d'un eveniment que i participava : la hèsta deu rondèu a Nerac (Òut e Garona) en 1983.

Lo problèma (es lo segond) es que ai mai de tres libres e de quatre revistas sens comptar tot lo demai (privilègi de l'atge !) ; generalament, tant que l'Altzheimer me chapa pas tròp, sabi ont son las causas quitament se son dejós lo libre qu'es dejós lo libre qu'es dejós lo…

Sens Altzheimer, trobèri las fotografias de tira e los negatius ; e me soi amusat a las numerizar e tanben a las filigranar, non pas per orguèlh mas perque m'es arribat mai d'un còp de tornar trobar de fotografias sens que foguèsse fach mencion de l'autor. Es quicòm de plan corrent demest los occitanistas (o los que ne fan profession quitament se son pas los sols a far aital) que considèran que « la proprietat es lo vòl » e an pas cap d'escrupuls a se servir del trabalh dels autres sens o dire.

Ai donc filigranat las fotografias (mas es pas complicat de las « desfiligranar » per qualqu'un abituat a las aisinas numericas de segur) per çò que soi totjorn estat per tornar a Cesar çò qu'aparten a Juli !

 

(Senhali que – mas aquò se vei, non ? –, levat pel filigran, las fotografias son naturalas e bio…)

 

De naut en bas e de l'esquèrra a la drecha ;

• Michel Le Meur, Jaco Martres, Maryse Brumas, Lothaire Mabru, Jean-Claude Lambrot

• Robert Dubedat, Roger Duluc, Marcel Lagardère, Fernand Tarrit, Raymond Courtès, Michel Harrismendy

• André Mouchès, Alexis Capes, Julien Déjean, Claude Marqué, Marc Castanet

 

img002

 

Acordeonaires e vielaires :

André Mouchès, Alexis Capes, Julien Déjean, Claude Marqué

 

img007.jpg

 

 

 

 

 

Lo vielaire Alexis Capes

 

 

img008.jpg

 


Lo vielaire Julien Déjean

 

img009.jpg

 


 

img038.jpg

 

 

img037.jpg

 

 

 

Partager cet article

Repost 0

commentaires

Mela, tecniciana de son 26/06/2011 11:54



si, si, o aviái remarcat al telefòn :)


mas te pòdes pas registrar solet amb ton polit Mac?



Mela mòrta d'arríder 26/06/2011 10:22



anem, vaizi, registra-la la cançon e fai petar lo mp3 ;)



Andriu de Gavaudan 26/06/2011 11:53



Calriá que m'enregistèssees…


Benlèu o sabes pas mas ai una polida votz encaitaira, embeinaira e tot e tot…coma ieu, que!



Mela hèra magnifica 24/06/2011 02:42



Andriu, ne voldriás pas metre regularament sus ton blòg d'aqueles testimònis d'un còp èra ?


 



Andriu de Gavaudan 24/06/2011 09:36



A ! Ah ! Ahh ! Vaquí una idèa qu'es bona… Aquò me serà un « incentive » per numerizar las fotografias qu'ai presas en black and white ; èras pas nascuda encara…


Mas sabi pas se las  « cocuras » (gascon) dels occitanistas interessaràn lo monde de l'ora d'ara.


Titolarai aquò (sus un aire « je vous parle d'un temps… » (Aznavorrr) :


Que vse parli d'un temps / Que los mens de vint ans / ne pòden pas conéisher…


Mela que m'ac a dit / E que m'a suplicat / D'estar lo professor d'ua epòca passada /


Quan èra enqüèra possible / De se díser cantaire / Dab ua simpla guitarra / Sens ne'n saber jogar ; /


Quan èra enqüèra possible / De se díser escrivan / O poèta obrèr / Sens n'aver jamei vist / Ni de près ni de lonh / un calam, un gredon /


Ara qu'es plan melhor / Gràcia a l'ordenador / Los navèths defensors de la lenga-cultura / occitano-citana/ E disen que son bons… etc.



Joan Peiroton 22/06/2011 21:07



A l'Alexis Capes! Non sèi pas quants de rondèus avem eretat deu gran Alexis, en tot cas, lo nòste repertòri bohaire que'u deu fòrça. Quant au Coco, que'm prengó en autostòp quauques mes a tà anar
amassa tà Narbona on avèvam ua repeticion de la còlha Mar e Montanha hèita de bodegaires, de autbòiaires e de percussionistas.


Òc, aqueras fòtos son polidas. 



Mela era magnifica 21/06/2011 23:19



Juli : òsca per las fòtos!


Coco e Jaco amb 30 ans de mens : LOL


Son polidas tas fòtos (m'alassi pas de las agachar!) e, mai que mai, son de documents de valor...


 



Andriu de Gavaudan 22/06/2011 00:16



Ne sabèvi pas que coneishèvas aqueth monde…


Quan sias vielha, lo ser a la candela, Que poiràs díser en furgar sus la tela, Que cau un fotograf tà fixar a jamei, Çò que d'aubuns n'an pas coneishut sonque en saunei…



Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca