Overblog Suivre ce blog
Editer l'article Administration Créer mon blog
14 juin 2010 1 14 /06 /juin /2010 10:57

Hromatge e dessèrt ?

Sonsaina : « Lo servici de la republica que demanda coratge, abnegacion, destacament e esperit de sacrifici. Que i cau ajustar l'amor de la patria, de la nacion, dels Francés e, mei que tot, l'enveja de « servir ». Que nse disen tanben los Òmes politics que « víver en ua democracia qu’a un prètz e que conveng de pagar los sons servidors corrèctament si que non trobaràn pas mei degun tà’s consacrar a França ! » Mès tot que’s pèrd e, subertot, lo respècte e l’admiracion deguts a totas las qualitats extraordinàrias deus nòstes servidors-sauvadors de la Republica. Na C. Boutin – l’arbo qu’escon la seuva – que veng de ne’n har l’experiéncia en seguida d’un article del Canard enchaîné qui mençonava que tocava 17500 euros en acomolar mission (9500), pension de deputada (6000) e indemnitat de conselhèra generau (2000). Lo rambalh mediatic que la forcè – e lo govèrn dab era – a har arrèrpè quan avèva dit prumèr que tot èra « legau ». Que’u hascó en dirècte suu fenestron e qu’ajustè que la soa decision e haré jurisprudéncia dens la mesura que fòrça elegits (ministres, deputats, senators, elegits regionaus…) e’s trobavan dens la medisha situacion.  En parlar d’ua sinecura autrejada après lo son depart deu govèrn, L. Ferry qu’avèva gausat un « Ne credetz pas totun qu’aquestes 4000 euros au mes me bastan tà víver ». Maugrat la volontat afichada – e tardiva ! – de M. Aubry de suprimir tota acumulacion, mei d’un elegit d’esquèrra que refusan de l’abandonar au nom de la democracia qui se deu d’estar pròcha deu… pòble !

Sonsaina dusau : « Los Òmes de valor ne serviràn pas mei l’Estat e que partiràn dens lo privat. » Mei d’un qu’ac hèn dejà après aver constituit un quasernet d’adreças ; ne cambirà pas gran causa ! Que voletz ? Qu’aiman los dessèrts.

Editoriau de La Setmana, n° 770

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca