Overblog Suivre ce blog
Editer l'article Administration Créer mon blog
26 avril 2011 2 26 /04 /avril /2011 17:27

Jòc o enjòc presidenciau ?

 

Qu’èm a mei d’un an de l’eleccion presidenciau e los mèdia que contunhan de ns’abeurar dab lo huelheton deus candidats potenciaus… Au partit socialista, mei d’un que’s son declarats au « concors intèrne » mentre que d’autes hèn assaber guaireben cada jorn que la lor decision n’es pas enqüèra presa. Que’s compren quand pensan a l’alhada qu’es estada la lor lo còp passat davant los militants. Los ecologistas, que s’i entenen en pelejas intèrnas, qu’an descobèrt las primàrias tanben ; e que vam assistir au combat de la « jutja anticorrupcion » contra l’ « ecologista mediatic » qui a bastit la soa popularitat sus expleit esportius. A l’UMP, maugrat  l’impopularitat presenta creishenta de Nicolas e la desercion de Borloo e deus sons amics centristas, ne i a pas degun qui, peu moment, envisatja de tuar lo pair en se presentar ; e N. Sarközy qui a bastit la soa notorietat suu son vam e suu son nhac n’a pas l’intencion, dinc adara, de’s deishar véncer sens díser arren. Que i a lo centre qui hè tot çò qui pòt tà exisitir mès que ne sap pas jamei de quin costat e va càder quan deu préner ua decision efinitiva. E puish, que i a tots los autes, los que, abituaument, apèran los « extrèmes ». A esquèrra, qu’an proclamat urbi et orbi que ne passarén pas jamei devath las horcas caudinas del partit socialista ; a dreta, la hilha deu pair qu’a l’intencion, era, de prénguer la plaça de Nicolas. Cada jorn, lo iò-iò deus candidats potenciaus o a vénguer qu’es portat a la coneishença deu vulgum pecus. Quid deus qui, suu solhar deu nòste país o d’Euròpa, e pensan trobar en çò nòste ua tèrra d’arcuelh, au mens per ua passa ? Que son recebuts « a braç barrats » e percaçats. Qu’am ua eleccion presidenciau a vénguer e n’an pas temps a pèrder !


Editoriau de La Setmana, n°814 

Partager cet article

Repost 0
Andriu de Gavaudan - dans Anar del mond
commenter cet article

commentaires

Joan Peiroton 28/04/2011 08:15



Non manca pas que lo mèste Andriu tà presentà's. Qu'èm a preparar la peticion. 



Andriu de Gavaudan 28/04/2011 09:02



Que pensi de l'aver dejà dit ; que'm cau estar brac dens l'editoriau e, a còps – o sovent ? – las meas remarcas que son las deu Cafè deu comèrci.  Ende jo – mès benlèu qu'es en causa deu men
atge – los nòstes òmes politics que passan mei de temps a's pelejar e a assegurar la lor reeleccion que non pas a trabalhar tau ben comun ; e los tenòrs que son los piègers ! Que's poiré parlar
de l'acumulacion eus mandats, de las indemnitats, etc.


Ne vòli pas díser qu'enlòc mèi, son mei bons totun mès que'nse cau netjar lo nòste solhar avant d'anar balhar conselhs a tots que n'an pas avut l'escadença d'"entrar dens la civilizavion"…


Que soi solide que, sens estar la solucion aus problèmas, se ne i avèva pas sonque un mandat electiu possible sus ua durada limitada, la pòrta que s'aubriré a de monde "ordinaris", òmes o hemnas,
qui portarén un sang navèth.


Mercés de contunhar a'm legir…



Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca