Overblog Suivre ce blog
Editer l'article Administration Créer mon blog
9 mai 2013 4 09 /05 /mai /2013 10:18

 

« Avètz ausit las aubadas

que se'n venon de sonar… »


L'arlatenca, l'an vista… piu, piu, piu…

 

Lo Maurici deuriá poder far la pròva – lo 11 de mai en Espaliu (Avairon) – que l'Arlatenca existís per çò qu'aurà lo Diccionari d'expressions e de locucions occitanas amb el (se lo cèl, entre temps, li es pas tombat sul cap !)

Pel moment, l'Arlatenca es sens  papièrs que lo « Bon de commande » (sul papièr o electronic) sembla pas aver d'existéncia… mas pareis qu'es coma pels drollets : i a lo « bunga bunga » (durèt qualque temps, de segur, mas quand òm aima…) e puèi la gestacion (aquela prenguèt un pauc de temps, de segur, mas los parents prenián totas las precausions per aver un bon « resultat » !) e puèi l'espitalizacion (lo mètge que seguissiá lo procèssus trobèt que i auriá de malformacions possiblas i aguèsse pas d'intervencion, etc.) puèi la naissença (cal admetre qu'un còp la dolors començadas prenguèt gaire de temps !) ; mas sabètz que daissan un pauc de temps per declarar lo nen a l'estat-civil (e qu'aquò depen pas totjorn dels genitors)…


Qu'aquò vos empache pas, quand i auràs lo nas dessús dins una librariá, de i metre lo nas dedins e de l'espepissar abans de sortir bilhet o carta de crèdit, per aver pas a far lo mus aprèp… Se cal pas jamai fisar a l'envolòpa !

 

 

N.B. Soi segur, ça que la, que seratz convencut de l'utilitat de la lenga occitana al moment que la lenga francesa seriá « marginalizada » e perdriá « tota possibilitat de creacion » en daissant dintrar l'anglés coma lenga de cors a l'Universitat (las autras lengas : castelhan, portugués… son pas de comptar !). L'Acadèmia francesa, qu'a enviat lo filosòf Michel Serres sul front, seriá en tren de descobrir que l'arrosaire pòt èsser arrosat… Son per la defensa del la lenga francesa mas per de rasons marridas de mon punt de vista.

 

COUV Diccionari Expressions WEB

Partager cet article

Repost 0
Andriu de Gavaudan - dans Lenga
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca