Overblog Suivre ce blog
Editer l'article Administration Créer mon blog
11 octobre 2011 2 11 /10 /octobre /2011 10:43

L’avénguer de l’Òme es…

 

Copé, Guenat, Hortefeux, Morano… Los cacics caçaires de l’UMP qu’an rason ! Que i a causas mei importantas que las primàrias socialistas… com, per exemple, de parlar de la situacion d’un pair en espèra d’un dròlle – pas el pr’aquò mès la soa hemna – que’s tròba guaireben sens domicili fixe e qu’es condamnat a viatjar d’un país a l’aute damb lo pretèxte d’ensajar de sauvar lo planeta. E en véder la corba deus sondatges a perpaus deu nòste president, ne podem pas sonque constatar la manca d’empatia deus Francés ! Las primàrias pr’aquò que representan ua renavida de la democracia dens la nòsta republica bananèra damb la risca entau Partit socialista de vénguer ua bomba de retard après la designacion, au segon torn, deu candidat se los vençuts hèn lo mus. Que i a lo rugbi tanben damb ua equipa de França que s’i es escaduda entà màntener lo suspens tà melhor suspréner los Anglés e nse perméter atau quauques quiquiriquís de circonstància. E los mèdia que nse parlan de la grandor de véder la banèra blau-blanc-roja… Membranças d’autes còps quan França e hasèva la concurréncia a la perfida Albion sus las mars e las tèrras emergidas. Quiquiriquí un còp de mei ! Mès la novèla mei importanta tà jo qu’es lo prèmi Nobel de la patz autrejat a tres hemnas deu continent african : las Liberianas Ellen Johnson Sirleaf e Leymah Gbowee e la Iemenita Tawakkul Karman ; e lo comentari de la jurada que lauda l’accion e lo coratge d’aquestas hemnas e hè referéncia au ròtle de las hemnas dens lo « primtemps arabe » qu’a ua auta portada, entà la Causa de las hemnas, que l’interdiccion del mot « domaisèla » supausadament atemptatòri a la lor dignitat. Parpèlas d’agaça, que non pas ! mès avançada màger. Las hemnas que venguen un pauc mei l’avénguer de l’Òme…

 

Editoriau de La Setmana, n°837

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca