Overblog Suivre ce blog
Editer l'article Administration Créer mon blog
26 mai 2013 7 26 /05 /mai /2013 10:25

La caisseta de Pandòra…

 

Vòli pas dire mas, amb lo temps que fa, ieu que vivi dins lo campèstre ai pas tròp enveja de m’anar passejar defòra… O sabi que las passejadas dins lo vent e la pluèja son reviscolantas mas la pluèja m’agrada pas tròp.

Donc, demòri a l’ostal mai que çò que se deuriá e, aital, preni mon temps per legir la premsa un pauc mai que de costuma o per escotar la ràdio ; autant una coma l’autra son deprimentas quand vos parlan de la crisi que s’esperlonga e del govèrn que, per de rasons divèrsas e variadas, renóncia a far las reformas prometudas o bota sus pè una comission !

Demest las reformas prometudas, las societalas semblavan las mai aisidas de far passar e, en mai d’aquò, an lo meriti de costar pas car. E nòstres òmes politics an l’aurelha tra que sensibla ! En periòde de crisi subretot, quand aussisson retrenir las pèças de moneda o lo bruch del frostilhatge dels bilhets de banca, agantan de susors fredas.

Ailàs ! Res se passa pas jamai coma previst. La reforma « maridatge per totes » deviá èssser pas qu’una formalitat, coma o es estada dins mantun autre país. Sos promotors avián simplament oblidat que la « filha ainada de la Glèisa » se podiá mostrar autan progressista coma conservairitz.

Es aital que la Glèisa de França a trobat son egeria en la persona de Frigide Barjot (un escais), que de fil en cordura, a fach d’esfòrces bèls, coada pels mèdia, per obrir la caisseta de Pandòra sus aquel subjècte sensible.

Al començament, es estat per ela e sos amics, una suspresa divenca… Micros, aquí ne vòls, aquí n’as ! « La “carrièra de drecha”, aquò existís e aquelas manifestacions ne son la pròva ! », quitava pas d’afirmar Frigide en prometent qu’èran pas que los primièrs d’una « revolucion ».

Los mots an un sens e la Frigide a oblidat benlèu d’obrir son diccionari ; d’autres, mai radicals, o an fach per ela e estiman que l’egeria es una mollassona e la menaçan. Ara, la Frigide se maina que lo contengut de la caisseta pòt èsser verinós e, cap a las menaças, demanda la proteccion d’aquel govèrn qu’asira…

 

 

Cronica occitana

Le Petit Bleu de Lot-et-Garonne

Dimenge, lo 26 de mai de 2013

Partager cet article

Repost 0
Andriu de Gavaudan - dans Anar del mond
commenter cet article

commentaires

Joan-Ives G. 26/05/2013 14:43


L’ahuecada Frigide ne hè pas sonque contestar la lei (çò qui ei lo son dret).
Qu’a tanben tombada la mascara en indicar au micro que pensava las religions que deurén estar financiadas per l’impòst, « coma en d’autes país ». Traduccion : aparentament que voleré
tanben qu’abroguèssim la lei de separacion de la glèisa e de l’Estat, e ueus tà la laïcitat. Que deurem tots pagar la desma, qu’ac volóssim o non, que credóssim o pas.
Ua opinion que la cau respectar, bahida. En tot cap adara, coma cagadiu fenit, que sèi la qui èi en fàcia.
A l’entant que s’amassa çò de semiat : ne la vau pas plànher.

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca