Overblog Suivre ce blog
Editer l'article Administration Créer mon blog
28 juin 2010 1 28 /06 /juin /2010 11:36

  La França africa !

Foguèt un temps que la França mestissa èra simbolizada per son equipa de fotbòl ; e los superlatius mancavan pas dins los mèdia per vantar aquela excepcion exagonala que veniá de butar lo país sus l’empont  d’una renomenada plan meritada.

Mas la ròda vira e lo Waterloo que ven de viure en Africa del Sud, degun o sembla pas voler assumir. Vertat es que, desempuèi l’an pèbre, se sap que França es estat un exemple per totas las tèrras conegudas o pas e, en consequéncia, a totjorn agut qualques dificultats amb las malparadas. Deuriá pas pausar cap de problèmas pr’aquò per çò qu’es un país d’excepcion(s) !

L’excepcion mai coneguda es culturala quitament se o pòdon comprene son que los que sabon reconéisser la qualitat excepcionala de l’ofèrta que França fa amb sa lenga e sa cultura millenàrias. Ne coneissètz de païses mai generoses ?

Avèm una excepcion sociala tanben amb un sistèma de mutualizacion per los suènhs e de capitalizacion per las pensions, amb de servicis publics, etc. mas es per s’acabar per çò que los que nos govèrnan nos vòlon responsabilizar e nos permetre d’investir dins d’asseguranças o de servicis privats per dire de promòure la creissença. Que ne sián felicitats !

Enfin avèm una excepcion politica amb d’elegits, especialistas, per la màger part, de l’acumulacion dels mandats e de las indemnitats, e que la lei comuna pel vulgum pecus concernís pas. N’an besonh per servir lo país en tota independéncia e n’aver pas a demissionar en causa d’un escandal o d’una mescla dels genres. Dins nòstra democracia plan establida, lor onestetat e lor paraula bastan per desconflar las cabalas malonèstas e populistas de tota mena.

Rason de mai per daissar pas de « tiranòts prene los Franceses en ostatges » sus la ràdio publica !

Editorial de La Setmana, n°772

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca