Overblog Suivre ce blog
Editer l'article Administration Créer mon blog
28 novembre 2011 1 28 /11 /novembre /2011 13:17

LGV : un afar d’ego ?

 

Vòli pas dire mas nòste deputat-conse-president de la comuninat de comunas d’Agen – e ne devi oblidar ! –, lo Dionis du Déjour, se bolèga… L’acumulacion de mandats divèrses e variats li permet de metre quora una casqueta quora una autra.

El qu’es per la linha de granda velocitat (LGV) de Tolosa a París es pas content de veire que lo Rasal ferrat de França (RFF) o vòlga pas escotar pel tròç Tolosa-Bordèu que permetrà d’una part a nòstres elegits de se raprochar de la capitala exagonala ! de l’autra de far ganhar als « clients » un detzenat de minutas per rapòrt a la linha normala – e encara mens un còp la linha melhorada.

Dionis du Séjour es de la raça  dels Rousset o Malvy, quitament se son pas del meteis bòrd politic. Aquel monde son pel « Progrès » e lo progrès consistís, al nom d’un ipotetic raprochament de París – vertat es que i anam totes a París e cada jorn de la setmana ! – en tèrmes de durada, a far de despensas faraonicas per satisfar lors desirs. L’argent dels contribuables deu servir, ço dison, a melhorar la vida vidanta…

Qui monta a París ? Qui a interès a far lo camin en res de temps ? Se los òmes d’afars creson que lor subrevida ten a una ora de ganhada, s’enganon. Benlèu los òmes politics vòlon èsser mai proches del poder e, coma pagan pas lo transpòrt, se chautan del prètz de la bilheta de camin de fèrre.

Fins ara – e ai pas seguit lo dorsièr que de luènh – es lo president del conselh general, lo sénher Camani – qu’acumula los mandats, el tanben – qu’a l’actitud mai onèsta. Après èsser estat d’acòrd amb aquela LGV, a entendut los qu’èran contra e es a estudiar lo rapòrt establit per un cabinet especializat e independent que mòstra que la diferéncia de prètz entre una linha novèla e lo melhorament de la linha actuala es de qualques miliards d’euros per un ganh de temps de qualque sminutas !

De qué prene lo temps de soscar quitament quand òm es deputat !

Cada jorn, nos parlan de l’environament, dels estalvis d’energia, de l’emprenta carbona, etc. Cada jorn, nos fan vergonha a propaus del deute que daisserem a nòstres dròlles. Mas cada jorn jorn, vòlon far d’investiments que son sens comuna mesura amb los besonhs de nòstra societat levat per qualques privilegiats que supòrtan pas que los Parisencs sián mai pròches del poder en plaça que non pas eles.

L’ambicion es quicòn de normal mas tròp sovent es pas qu’un afar d’ego e la LGV, al mens pel tròç Tolosa-Bordèu, es l’ocasion de « se far plaser » amb l’argent public sens que i aja un avantatge consequent per la vida dels estatjants d’Òut e Garona…

 

Cronica occitana

Le Petit Bleu de Lot-et-Garonne

Diluns, lo 28 de novembre de 2011

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca