Overblog Suivre ce blog
Editer l'article Administration Créer mon blog
6 juillet 2010 2 06 /07 /juillet /2010 00:21

« Liliane, hè las valisas ! »

« Liliane, hè las valisas ; tornam a París. » Aquera frasa – venguda culta –, qu’estó un Georges Marchais, en vacanças en Corsega, a la prononciar dens l’estiu de 1977 en seguida a ua presa de posicion de François Mitterrand que hasè un entalh au « programa comun ».

Que semblaré que l’òra estosse arribada per quauques uns de har las valisas tanben e de deishar, per un temps, los aurs deus palais de la Republica. Lo nòste president, vengut un legidor apassionat, qu’a hèit la soa la frasa de Corneille dens Cinna : « que soi mèste de jo com de l’univèrs », e qu’aima de har créder que preng las soas decisions hòra de la pression deus mèdia. Aqueste còp totun, ne sembla pas estar lo cas. Devant la montada deus perilhs, e dens un esforç tà desvirar l’atencion deus mèdia deu ministre E. Woerth, qu’a decidit d’aplicar, per un còp, los sos principis sus l’aunestetat e la probitat deus servidors de l’Estat. N’es pas segur qu’aquò baste tà apatzar ua oposicion qui tròba, dens aquera nhica-nhaca, ua excellenta oportunitat tà maumiar la discussion sus las pensions. E ne son pas las denegacions mei o mens mauadretas qui facilitaràn las causas.

De segur, la hemna mei rica de França qui n’a pas sonque lo prenom en comun damb la molhèr de G. Marchais, que seré demorada dens ua anonimitat relativa sens lo clam portat per la soa hilha contra lo son amic fotograf. Cada jorn, qu’aprenem que los que gavidan la soa fortuna – sembla que Na Woerth ne hasèva partida – l’avèvan plan conselhada dinc adara tà amagar la soa moneda dens paradís fiscaus o autes. Normaument, la prauba hemna que deuré aver quauques problèmas damb lo fisc per declaracions inecactas, etc. e se poiré qu’estosse temptada de har lar valisas com un jogaire de tennis ordinari…

 

Editoriau de La Setmana, n°773

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca