Overblog Suivre ce blog
Editer l'article Administration Créer mon blog
14 avril 2013 7 14 /04 /avril /2013 12:21

Sens èsser un afogat de fotbòl, escoti la ràdio…

L'autre jorn, lo rescontre Barça-PSG se debanava a Barcelona e Dieu sap lo nombre de jornalistas que seguissián l'eveniment d'una faiçon o d'una autra. Sus nòstras ràdios nacionalas, France Info e France Inter – mas i a pas de rasons que suls autres mèdia franceses foguèsse estat diferent ! – aguèrem drech a cada còp a la descripcion de l'ambient sus l'estadi, en defòra, abans, après, etc.

E totes, sens excepcion, nos parlèron del « camp nou » [kamp nou] e del Barça de segur… Coma soi pas tròp aluserpit e qu‘èri pas segur de mon afar, demandèri coma se prononciava a una especialista que me diguèt qu'èra coma en occitan lengadocian, donc [kamp nOw]. An quitament pas l'excusa de s'enganar amb lo castelhan (l'espanhòl) : nueve (la chifra) o nuevo…

O sabi que los jornalistas son pas de lingüistas, ni de poliglòts, ni… mas poirián ça que la s'entresenhar !

E vos cal pas creire qu'es per çò qu'èra de catalan… Gaireben, a cada còp sus las meteissas ràdios – que se trufan dels professors pas fotuts d'ensenhar l'anglés e que, eles, sortits del sistèma escolar, son estats capables de l'aprene coma de grands – te parlan del rescontre d'una equipa exagonala contra Leicester (Grand Bretanha) e pronóncian [leystÈrr] – quand es pas [leycèsstÈrr] – çò que se deu dire [lÈsteur] amb una R  que s'enten son que un pauquet.

Ignorància copabla ? Fatuitat exagonala ? Superioritat del Francés ufanós de parlar LA lenga mai polida del planeta ?

Ne vos daissi jutge…

Partager cet article

Repost 0

commentaires

Melania 15/04/2013 05:35


Ignorància, manca de curiositat, superioritat o necitge comun?


Pendent de temps, lo paure "Xavi", l'apelavan "Javi" [ravi], en s'esforçant de faire una jota espanhòla pas totjorn capitada. Ara, pronóncian coma cal.


Per "blaugrana", pronóncian mai o mens coma cal (blaugranà, akò rai LOL, mas nos estalvian un blò-granà)

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca