Overblog Suivre ce blog
Editer l'article Administration Créer mon blog
11 juillet 2011 1 11 /07 /juillet /2011 11:08

Òm diriá lo Sud…

 

Panama sus l’aurelha, Bison futat es tornat e l’estiva, pels « julhetistas » a començat. Gaireben totes los mèdia an cauçat las espardelhas made in Bangladesh e, se contunhan  de nos parlar de la crisi que s’esperlonga, de l’euro que malauteja, de las « primàrias » socialistas contrariadas (!), d’una drecha – pas tota de segur – mai populista que jamai, es qu’an pres l’abitud de dire : « Sètz pas sens ignorar que… » ; mas lo còr i es pas e vertat es qu’una majoritat de Franceses se’n chautan ! Far de rasonaments sul « primtemps arab », parlar de l’intervencion en Libia al nom dels dreches de l’Òme o de la politica de l’estruci a propaus de Siria, tot aquò interessa pas degun. Murtres e assassinats en Afganistan o Sodan esperaràn lo mes de setembre per se tornar far ausir… En cò nòstre, l’estiu es sinonim de « vacanças » quitament se son nombroses los que ne pòdon pas prene per manca de moneda. Es tanben lo periòde privilegiat del tòcamanetas pels elegits d’un país, campion de l’acumulacion dels mandats electius e autres. Los que consacran a França tròban aquí l’escasença de renovelar lors promessas rarament tengudas, mas sèm complicis, non ? Quantes còps entenèm l’animator d’una manifestacion nos demandar d’aplaudir « mossur lo senator-conse – o deputat – que nos fa l’onor de sa visita », e o fasèm, quitament se lo criticam tota la rèsta de l’annada. Los Franceses serián masoquistas ? Que non pas, mas benlèu se vòlon « desintoxicar » en fasent de bronzacuol sul bòrd de la Mar grana o de la Mediterranèa, un pauc mai polluïdas cada annada. L’important es qu’ajan lo sentiment, en tornant a l’ostal, d’aver fach lo plen d’aire pur (sic) e de solelh dins aquesta país – ne i a d’autres ! – que dison benasit pels dieus : Occitània ».

 

Editorial de La Setmana, n°825

 

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca