Overblog Suivre ce blog
Editer l'article Administration Créer mon blog
15 janvier 2013 2 15 /01 /janvier /2013 13:32

Pragamatisme d’un « indecís »…

 

Quan lo nòste navèth president estó elegit, lo cambiament màger qu’estó, deu men punt de vista, ua atmosfèra mens electrizada que se poscó sentir tanlèu los resultats de l’eleccion coneishuts. Mès ua majoritat navèra, un govèrn navèth, un president navèth que deven har las lors pròvas… Autan Nicolas Ièr qu’anonciava urbi et orbi un sarròt de decisions, desbrembadas lo mei sovent un còp lo son discors acabat, autan F. Hollande, pendent un temps, en la soa volontat d’estar un president normau, que deishè lo Prumèr ministre gavidar los afars de la vita vitanta ; aqueste, un paucparla, que s’a deishat desbordar, a còps, per uns ministres de las ambicions contengudas. Lo president, eth, n’a pas jamei aimat los conflictes e qu’assaja de hargar un compromés en hicar sus pè ua comission avant de prénguer ua decision. Los bonapartistas de l’UMP non se son pas privats d’ac har remarcar e de prénguer per testimòni lo « pòble francés » – A, lo pòble ! – cap a un president indecís e un govèrn a còps cacofonic. E los mèdia, totjorn en cèrca de scoops e de venta, n’esitan pas a surfar suu maucontentament en córrer la risca de jogar los botahuec. Atau lo projècte de lei, lo « maridatge entà tots », qu’a confortat los opausants sus la lor idea d’un govèrn e d’un president movuts unicament per ua ideologia, e influenciats per los lobbies concernits que vòlen la desapareishuda de la familha atau consacrada desempuish sègles. Atau, los acòrds patronat-sindicats que son la marca d’ua avançada sociodemocrata. Atau, la decision deu nòste president d’engatjar l’armada francesa en Mali ende combàter e percaçar los jihadistas qu’es estada saludada, levat ua o doas excepcions, per tota la classa politica francesa. Un president rodomont, indecís ? Non, meilèu pragmatic…

 

Eidtoriau de La Setmana, n°902 

Partager cet article

Repost 0
Andriu de Gavaudan - dans Anar del mond
commenter cet article

commentaires

joan peiroton 18/01/2013 19:36


Ja vei qu'escrius idea e non pas idèa. Qu'ei normau, aquò? Qu'ei plan atau que'm cau escríver lo mot? 

Andriu de Gavaudan 18/01/2013 20:49



Lo mond que semblan de s'estar acordat ende escríver : « idea » en occitan gascon e « idèa » en occitan lengadocian e occitan provençau ; Lavalade nòta « eidéia
/ idéia » en occitan lemosin dens lo son Dictionnaire français-occitan (Limousin, Marche, Périgord) ; Jean Roux « idèia / idéa » en ocictan auvernhat
(vocabulaire occitan d'Auvergne et du Vleay) ; « idea »  in Nòrmas ortògraficas… de l'occitan alpin oriental (valadas italianas)



Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca